Грамадства44

Палітзняволеная Паліна Шарэнда-Панасюк правяла 70 дзён у ШІЗА з пачатку года

Цяпер яна ў СІЗА чакае новага суда. «Яна прыехала амаль без рэчаў. Магчыма, ёй сказалі, што вязуць вызваляць».

Паліна Шарэнда-Панасюк у калоніі ў Рэчыцы. Скрын відэа БТ

Навіны пра палітзняволеную Паліну Шарэнду-Панасюк паведаміў яе муж.

«Апошнія месяцы для Паліны былі асабліва цяжкімі. Толькі за першыя пяць месяцаў гэтага года ў калоніі яе 70 дзён трымалі ў штрафным ізалятары. Фізічны і маральны ціск. Паўгода поўнай ізаляцыі ад знешняга свету. Мы нават і блізка не ведаем, чым Паліне пагражалі, што з ёй рабілі, каб зняць тое прапагандысцкае відэа. І ілжывыя абяцанні, што яна зможа пабачыць сваіх дзяцей, якіх не бачыла тры з паловай года.

І ўрэшце, як удар пад дых, новая крымінальная справа і новы этап. Мы не ведаем, што з Палінай здарылася ў траўні ў калоніі перад этапам, але ў СІЗА яна прыехала амаль без рэчаў. Магчыма, ёй сказалі, што вязуць вызваляць», — напісаў Андрэй Шарэнда ў фэйсбуку.

Паліна — актывістка з Брэста. Яе затрымалі ў студзені 2021 года. Спачатку яе асудзілі на два года калоніі паводле артыкулаў пра абразу Лукашэнкі, прадстаўніка ўлады і гвалт альбо пагрозу гвалтам міліцыянту (артыкулы 369, 368 і 364 КК). А пасля двойчы працягвалі тэрмін — заводзілі справы па артыкуле аб непадпарадкаванні адміністрацыі калоніі (артыкул 411 КК). 

Паліна павінна была выйсці з калоніі 21 мая 2024 года, але на яе завялі новую справу, нягледзячы на тое, што жанчына пагадзілася зняцца ў фільме для дзяржТБ.

Каментары4

  • Рэалістычны песіміст
    24.06.2024
    Зёмак, ейны муж усё жыццё жыве ў нейкіх элюзіях: то яму дэфолт з прычыны санкцый падавай, то вызваліць толькі сілай...
    Рэальна трэба глядзець на рэчы. Якой сілай? Дзе тая сіла? Нават калі скласці ПКУ і міфічнае паспалітае рушанне, то колькі назбіраецца? Мо 500, мо 800 чалавек, нават калі іх падрыхтаваць і добра ўзброіць, то гэтага ўсё адно хопіць каб зладзіць невялічкі дэбош на мяжы і толькі. Пасля 20 года рэжым вельмі добра ўзброіўся, стварыў шматлікія новыя атрады спец войск, ладзіць вучэнні, цяпер Беларусь - гэта цытадэль з якой можа цягацца хіба толькі Польшча. Але палякі не распачнуць вайну з-за Беларускіх вязняў нават калі іх не дай Божа пачнуць страляць.
  • Зёмак
    24.06.2024
    Рэалістычны песіміст
    нас у Беларусі - мільёны, сотні тысяч у эміграцыі. А рабіць нешта чамусьці павінны або некалькі соцен добраахвотнікаў, або Польшча.

    І вось у гэтым і заключаецца ваш рэальны погляд на рэчы: сядзець на канапе, чакаць лепшых часоў, а калі ў турме памрэ чарговы палітзняволены, адпісваць дзяжурныя словы спачуванняў.
  • Героі канапныя такія канапныя
    24.06.2024
    Зёмак, у 20 на вуліцах было сотні тысяч, зрабілі? Ці лепей казаць нарабілі. Хопіць абы што ляпаць седзячы на канапе ў Варшаве. Такі герой? так давай, пакажы прыклад...

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта6

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта

Усе навіны →
Усе навіны

За «абразу прадстаўніка ўлады» мастачцы з Полацка прызначылі прымусовае лячэнне. Яна вярнулася з Польшчы3

«З лёгкім ветрам» і «Нарэшце, бро» — што пішуць Байдэну ў твітары

Стрыжак расказаў, ці ўзяў бы мільён даляраў ад Чыжа6

У Беларусі з'явіцца нацыянальны відэахостынг — видео.бел 10

Джэй Ло перастала насіць заручальны пярсцёнак. Канец гісторыі кахання

Адэсіт за $6 тысяч збег ад мабілізацыі ў Расію, дзе стаў кантрактнікам. А калі трапіў на фронт, то здаўся ўкраінцам9

Чаму Байдэн вырашыў выйсці з гонкі? Вось што пра гэта пішуць сусветныя медыя4

Сотні буслоў сабраліся на адным полі ля Гродна ФОТАФАКТ2

Колькасць легкавікоў на беларуска-польскай мяжы вырасла да гіганцкіх 3501

больш чытаных навін
больш лайканых навін

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта6

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта

Галоўнае
Усе навіны →