Свет99

Анджэй Дуда паляцеў у Кітай і будзе там гаварыць пра Беларусь

Прэзідэнт Польшчы Анджэй Дуда адправіўся з афіцыйным візітам у Кітай. Як паведамляе ягоная прэс-служба, найважнейшымі пытаннямі, якія будуць абмяркоўвацца падчас гэтага візіту — бяспека і эканоміка.

Анджэй Дуда. Фота: AP Photo/Andrew Harnik

Падчас знаходжання ў Кітаі ў Дуды запланаваныя сустрэчы са старшынёй КНР Сі Цзіньпінам і кіраўніком урада гэтай краіны Лі Цянам. Таксама польскі лідар возьме ўдзел у летнім Сусветным эканамічным форуме ў Даляні і ў польска-кітайскім эканамічным форуме ў Шанхаі.

Перад выпраўленнем у Кітай на адмысловым брыфінгу Анджэй Дуда адзначыў, што ў гэтым візіце вельмі важным будзе палітычны кампанент.

«Мы маем вайну ва Украіне, а таксама гібрыдную атаку Беларусі на польскую мяжу, дзе беларускія ўлады ўжо тры гады пастаянна штурхаюць нам мігрантаў, прымушаючы іх спрабаваць незаконна перасекчы мяжу», — адзначыў польскі прэзідэнт.

Адна з найважнейшых ідэй Кітая — гэта так званая ініцыятыва Пояса і Шляху, якая ўключае стварэнне транспартных шляхоў, якія дазвалялі б дастаўляць кітайскія тавары ў Еўропу па зямлі. Пры гэтым адзін з найважнейшых чыгуначных маршрутаў праходзіць праз Беларусь.

Гэты маршрут, які праходзіць праз Беларусь, сёння падвяргаецца абмежаванням з-за гібрыднай атакі, якую ажыццяўляюць беларускія ўлады на польскую мяжу, і пра гэта Анджэй Дуда таксама мае намер гаварыць з Сі Цзіньпінам.

«Адносіны Кітая з Беларуссю традыцыйна дружалюбныя. Я хачу прадставіць гэтую сітуацыю старшыні КНР Сі Цзіньпіну. І расказаць, з чым мы сутыкаемся», — заявіў Дуда.

«Гэты візіт вельмі важны для нашай бяспекі ў Еўропе. Мы ведаем, што Кітай — звышдзяржава, мы ведаем, што ў яго сяброўскія адносіны не толькі з Беларуссю, але і з Расіяй, а Расія сёння з'яўляецца агрэсарам ва Украіне. І гэта тое, што я хачу абмеркаваць са старшынёй Сі Цзіньпінам. Ні для каго не сакрэт, што ўплыў Кітая, у тым ліку і на Расію, безумоўна, вялікі. Прадставіць наш пункт гледжання на гэтае пытанне старшыні Сі Цзіньпіну, на мой погляд, вельмі важна», — дадаў палітык.

Перамовы Дуды і Сі Цзіньпіна запланаваныя на 24 чэрвеня, у той жа дзень плануецца сустрэча з кітайскім прэм'ерам Лі Цянам і іншымі сябрамі ўрада.

Каментары9

  • или или
    22.06.2024


         bkb или Китай заставит агрофюрера выпустить сп. Пачобута альбо Польшча часткова перекроет жд транспортное с Беларусью.
  • *
    22.06.2024
    Прычым тут Кітай. Тут Расея кіруе і загадвае.
  • Так
    22.06.2024
    или или, што за “агрофюрер”? Няўжо гаворка пра савецкага чалавека Лукашэнку? Таго, які ў Беларусі праводзіць рэсаветызацыю і захапляецца камуністам Сталіным?

Стрыжак расказаў, як яго вербавалі спецслужбы13

Стрыжак расказаў, як яго вербавалі спецслужбы

Усе навіны →
Усе навіны

Што адбудзецца, калі Байдэн выйдзе з прэзідэнцкай гонкі?1

Украінскі фронт на Данбасе пасыпаўся ў некалькіх месцах — аналітык Bild10

Беларускі айцішнік пераехаў у Аўстралію і трапіў пад скарачэнні. І задаўся адвечным пытаннем «Што рабіць»?14

У Лідзе затрымалі ўладальніка кавярні «Тутака»

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

Украіна спяшаецца стварыць ваенныя беспілотнікі са штучным інтэлектам1

Зяленскі павіншаваў Трампа з абраннем кандыдатам ад Рэспубліканскай партыі і назваў яго прэзідэнтам7

больш чытаных навін
больш лайканых навін

Стрыжак расказаў, як яго вербавалі спецслужбы13

Стрыжак расказаў, як яго вербавалі спецслужбы

Галоўнае
Усе навіны →