Святкавалі ў калідоры побач з прыбіральняй: у брэсцкай школе перастараліся са сціпласцю выпускнога

Відэа са святочнага вечара з’явілася ў тыктоку. Маці выпускніка паказала, як выглядаў банкет для сотні адзінаццацікласнікаў брэсцкай школы № 1. Сталы чамусьці паставілі проста ў калідоры — на адных нешта гатавалі, на іншых ужо стаяла гатовая ежа. Побач са сталамі стыхійна ўзніклі горы смецця. Загадзя нарэзаныя агуркі ў вядры (відавочна, гэтую частку нарэзкі яшчэ не паспелі паставіць на стол) суседнічалі са смеццем.

У подпісы да роліка жанчына, сын якой якраз скончыў гэту школу, напісала:

— Адміністрацыя вырашыла, што нармальна адсвяткаваць мы не заслужылі. Усё праходзіла ў калідоры каля прыбіральні. Бацькі стаялі як ахоўнікі, ні сесці (не было ніводнага крэсла), ні тым больш адзначыць мы не заслужылі.

Жанчына сцвярджае, што ў школе ёсць вялікая спартыўная зала і сталовая, але чамусьці банкет праводзілі не там. Можна было б падумаць, што адміністрацыя школы занадта літаральна зразумела словы Лукашэнкі і перастаралася са сціпласцю выпускнога. Але жанчына дадала:

— Вось так чакаеш выпускны, а атрымоўваеш поўнае расчараванне. Як аказалася, летась была такая ж гісторыя. Можа, час ужо нешта рабіць?

@mamapushka Ужасно прошел выпускной моего сына в сш 1 г. Бреста Администрация решила, что нормально отметить мы не заслужили. Все проходило в коридоре, возле туалета, родители стояли, как охранники, ни сесть ( не было ни одного стула), ни тем более отметить мы не заслужили. Дети 100 чеоовек толпились возле 4 маленьких столиков. В школе есть большой спорт зал, столовая, но зачем администрации это все. Вот так ждешь выпускной, а получаешь полное разочарование. Как окащалось в прошлом году было также, может пора уже, что-то делать?#выпускной2024#выпускнойбрест2024 ♬ оригинальный звук - Я

Чытач «Нашай Нівы» звярнуўся ў школу, але адміністрацыя ў адказ параіла не меркаваць пра мерапрыемства па каментарыях, а замест гэтага паглядзець фотасправаздачу пра выпускны вечар на афіцыйным сайце школы.

Там толькі здымкі, зробленыя на афіцыйнай частцы ў актавай зале. Ніводнага фота з фуршэту чамусьці няма. Затое сярод выпускнікоў на сцэне бачны і тыя людзі, якія трапілі ў ролік.

За 4 дні відэа набрала каля 410 тысяч праглядаў.

• 7
• 0
• 13
• 15
• 3
• 6
• 13
• 0