Грамадства22

Дзікавіцкі пра звальненне Шылы ў 2018-м: Іван павінен быць удзячны, што так здарылася

У вялікай размове з новым кіраўніком «Белсата» Аляксеем Дзікавіцкім згадалі гучны выпадак са звальненнем Івана Шылы. Іван два гады працаваў на тэлеканале эсэмэмшчыкам, адказваў за кантэнт у сацыяльных сетках. 

«Наша Ніва»: З вашай кіраўнічай эрай ці зменяцца падыходы да ўнутранай цэнзуры? Не магу не згадаць пра звальненне Івана Шылы за жартаўлівы подпіс да фота з Анджэем Дудам, загад на яго быў за вашым подпісам. Ці можа сёння супрацоўнік «Белсата» пажартаваць пра Дуду, Туска ці каго заўгодна з дзейнай улады?

Той самы жарт у фэйсбуку, які справакаваў працоўны скандал

АД: Пытанне, дарэчы, перагукаецца з папярэднім (Дзікавіцкі дагэтуль у інтэрв'ю разважаў, што мы не ведаем сапраўднага значэння тых рэчаў, якія з намі здараюцца, і згадваў, як звольненая з «Белсата» калега праз год была ўдзячна за гэта. — «НН»).

Я думаю, што Іван павінен быць удзячны, што так здарылася — ён у выніку разгарнуў бізнэс, і ўсё ў яго ў парадку.

Ніякай цэнзуры няма і не будзе. Адзінае, разумееце, у чым рэч. Нас крытыкуюць з розных бакоў у той жа Польшчы — нядаўна быў закід пра тое, чаму мы не паказвалі (а мы паказвалі!) пратэсты жанчын супраць абвастрэння закона аб абортах. Ці чаму не паказвалі яшчэ нешта. Некаторыя крытыкі не разумеюць місіі «Белсата» — так, мы частка польскага грамадскага тэлебачання, польскі сродак масавай інфармацыі. Але наш глядач не ў Польшчы, і патлумачыць беларусу сітуацыю вакол, умоўна кажучы, Канстытуцыйнага суда можна, але навошта? Гэта так складана, што нават не ўсе палякі гэта разумеюць.

Мы якраз і не ўваходзім у некаторыя ўнутрыпольскія спрэчкі, таму што гэта бессэнсоўна і цяжка патлумачыць.

Частка маіх каляжанак і калег увогуле нядаўна знаходзіцца ў гэтай краіне — ім яшчэ цяжэй разабрацца. Я тут жыву больш за 20 гадоў, і калі ў Польшчы былі выбары, я правяраў некаторыя тэксты — але не таму, што трэба тапіць за адну партыю ці другую, а з пункту гледжання памылак. Бо людзі жылі ў рускай, беларускай ці ўкраінскай інфармацыйнай прасторы, і ўсе гэтыя партыі, кааліцыі для іх — космас нейкі.

«НН»: З Шылам можна было зрабіць інакш? Сёння вы звольніце чалавека за падобны жарт?

АД: Пэўна, можна было зрабіць інакш. Дарэчы, у той сітуацыі для мяне абуральным было тое, што Іван, будучы ў адпачынку за мяжой, публічна апублікаваў пост з запытам, дзе ў гэтым месцы можна набыць наркатычнае рэчыва. Я лічу (і абсалютна перакананы ў гэтым), што павінна быць нейкая прыстойнасць. Калі ёсць дзяржава, якая шмат гадоў дапамагае не толькі «Белсату», а масе СМІ, дапамагае культурным дзеячам ды і проста беларусам увогуле (у Польшчы адна з найбольш ліберальных палітык па прызнаванні дакументаў), то публікаваць нейкія дурнаватыя карыкатуры мне падаецца проста непрыстойным.

Я не супраць жартаў і мемаў. Я ўвогуле захапляюся тымі, хто іх стварае, бо я так не ўмею. Але часам гэта недарэчы. Новай цэнзуры і пагадненняў, пра што можна жартаваць, а пра што не, пры мне не з’явіцца, я б проста вымагаў праўдзівасці, аб’ектыўнасці і добрага густу.

Чытаць гутарку цалкам:

Новы кіраўнік «Белсата» Аляксей Дзікавіцкі — пра перамены, цэнзуру, Шылу, рызыку звальненняў і журналістаў-палітвязняў

Каментары2

  • мазда_212
    10.04.2024
    Дзикавицкий скользкий парень...))
  • Гоп-ца-ца
    10.04.2024
    Абы што. Рабі справу, годзе кукарэкаць. Твая задача зрабіць Белсат цікавым, а покі што няма пра што казаць і абмяркоўваць няма чаго. Тэлеканал ні ў чым не дадаў, а Дзікавіцкага ўжо зашмат.

Марзалюк: У любой школе, у тым ліку ў рускамоўнай, гісторыю Беларусі і геаграфію трэба выкладаць па-беларуску13

Марзалюк: У любой школе, у тым ліку ў рускамоўнай, гісторыю Беларусі і геаграфію трэба выкладаць па-беларуску

Усе навіны →
Усе навіны

Бязвізам у Беларусь першым скарыстаўся грамадзянін Германіі9

Зянон Пазняк выдаў чарговую кнігу19

У чорных буслоў у Беларусі стала выводзіцца больш птушанят. У чым прычына?

Стрыжак расказаў, як змог так пахудзець8

Падрабязнасці тэракту Крыгера пад Азярышчам — разбураныя шпалы і ніводнага параненага10

Рыка Крыгер не стаў абскарджваць смяротны прысуд — ён уступіў у сілу2

Завочна будуць судзіць Антона Матольку — яму закідаюць 17 артыкулаў, у тым ліку здраду дзяржаве8

З'явілася яшчэ некалькі ФОТА з суда над Рыка Крыгерам

Польскі турыст прыехаў у Беларусь і расхваліў яе на ўсе лады. Ён аказаўся неанацыстам14

больш чытаных навін
больш лайканых навін

Марзалюк: У любой школе, у тым ліку ў рускамоўнай, гісторыю Беларусі і геаграфію трэба выкладаць па-беларуску13

Марзалюк: У любой школе, у тым ліку ў рускамоўнай, гісторыю Беларусі і геаграфію трэба выкладаць па-беларуску

Галоўнае
Усе навіны →