Свет1111

Расійская дэпутатка прыдумала, як расстраляць таджыкскіх тэрарыстаў — з дапамогай Беларусі

Пасля таго, як у падмаскоўным канцэртным комплексе «Крокус Сіці Холл» адбыўся крывавы тэракт, ягоныя меркаваныя выканаўцы былі затрыманыя расійскімі сілавікамі, у Расіі пачалася шырокая прапагандысцкая кампанія на карысць адмены мараторыя на выкананне смяротных пакаранняў. Галасы ў падтрымку гэтага гучалі з самых высокіх трыбун, але пакуль справа да вяртання смяротнага пакарання ў Расіі не дайшла, некаторыя бяруцца прапагандаваць іншы, зусім экзатычны варыянт. 

Марыя Буціна. Скрыншот з відэа

Дэпутатка Дзяржаўнай думы Расіі Марыя Буціна, выступаючы ў праграме «Клуб рэдактараў» на БТ, выказала думку, што ў забойстве меркаваных тэрарыстаў можа дапамагчы Беларусь, дзе смяротнае пакаранне ніколі не адмянялася.

Адзначыўшы тое, што падчас тэракту загінулі прынамсі трое грамадзян Беларусі, далей Буціна скіравала свае думкі ў зусім арыгінальнае рэчышча: 

«Я добра інфармаваная адносна вашага заканадаўства, у тым ліку пра смяротнае пакаранне, якое прысутнічае. У гэтым выпадку гэта забойства дзвюх і больш асоб, таму вы маеце роўна такое ж права на суд над гэтымі людзьмі, як і Расійская Федэрацыя».

Марыя Буціна атрымала вядомасць пасля таго, як яе ў ліпені 2018 года арыштавалі ў ЗША па абвінавачванні ў змове супраць гэтай дзяржавы. Яна жыла ў Амерыцы з 2016 года, а прыехала туды па студэнцкай візе.

13 снежня 2018 года Буціна ў рамках пагаднення са следствам прызнала ў амерыканскім судзе сваю віну ва ўдзеле ў змове супраць ЗША, а таксама паведаміла, што дзейнічала пад кіраўніцтвам расійскага чыноўніка. 26 красавіка 2019 года Буціну прысудзілі да 18 месяцаў турмы, а пасля адбыцця часткі тэрміну і дэпартацыі яна праз паўгода вярнулася ў Расію, дзе яе кар'ера пайшла на ўздым.

Каментары11

  • EMIL
    30.03.2024
    Однокурсница Франека Вячорко, между прочим!
    В Америке неизвестно чем оба занимались.
  • Vik
    30.03.2024
    проститутка в плохом смысле этого слова.
  • даведка
    30.03.2024
    Сотрудничали с кем надо...

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Усе навіны →
Усе навіны

«Калі б мне плацілі — сядзела б і чытала людзям кнігі, нават за малыя грошы». Інтэрв’ю з актрысай Зояй Белахвосцік2

У возеры Свіцязь забаранілі купацца. У чым прычына?1

Mercedes урэзаўся ў Fiat, а пасля збіў двух чалавек

Трамп стаў найстарэйшым кандыдатам на пасаду прэзідэнта ЗША ў гісторыі5

Мінск апынуўся ў топе самых танных гарадоў свету — за жыллё трэба плаціць у 10 разоў менш, чым у Нью-Ёрку7

Першыя праблемы беларусаў на Алімпіядзе ў Парыжы. Весляры ўжо там, а лодкі не прапусцілі 

Топавы амерыканскі часопіс спрагназаваў, колькі беларусы заваююць медалёў на Алімпіядзе. У расіян будзе нуль

Харыс заручылася дастатковай падтрымкай для вылучэння кандыдатам у прэзідэнты

«50 гадзін у апошняй дыктатуры Еўропы». У Беларусь прыехалі мегапапулярныя блогеры з ЗША і Канады — вось навошта17

больш чытаных навін
больш лайканых навін

Стала вядома пра арышт гісторыка Ігара Мельнікава16

Стала вядома пра арышт гісторыка Ігара Мельнікава

Галоўнае
Усе навіны →