Грамадства279279

Балкунец і Усаў расказалі расійскаму СМІ пра абсалютны правал Ціханоўскай па ўсіх франтах

Расійскі ліберальны інтэрнэт-сайт Sotaproject апублікаваў разгромны артыкул, прысвечаны дзейнасці Святланы Ціханоўскай. «Беларусы моцна расчараваліся ў сваім «нацыянальным лідару», як Ціханоўская называе сама сябе. Вынікі яе дзейнасці аказаліся ніякімі», — пераконвае выданне. Гэтыя ідэі ў артыкуле прэзентавалі апаненты Ціханоўскай, палітыкі Павел Усаў і Дзмітрый Балкунец (названыя ў тэксце палітолагамі), а таксама блогерка Бела Фокс. «Наша Ніва» тэзісна пераказвае змест.

Святлана Ціханоўская на ўручэнні Нобелеўскай прэміі ў Осла. Фота Руслан Церахаў, SOTA

Усаў спасылаецца на неназваныя апытанні ў тэлеграм-каналах і запэўнівае, што іх вынікі паказваюць зніжэнне падтрымкі і даверу Ціханоўскай. Балкунец дадае ўласныя падлікі: кажа, што за два гады беларусы сталі ўтрая радзей шукаць у Гугле і Яндэксе запыт «Святлана Ціханоўская».

Чытайце таксама: Што баліць Усаву, Пазняку і Ціханоўскай? 

Балкунец і Усаў сфармулявалі пяць прычын правалу Ціханоўскай, зафіксаванага імі.

1) Чаканні, якія не апраўдаліся. Ціханоўская не дабілася свабодных выбараў і вызвалення палітвязняў. 

Балкунец і Усаў тлумачаць, што адзіны занятак Ціханоўскай — сустрэчы з заходнімі палітыкамі і бясконцая колькасць здымкаў. «Адзін толькі візіт у Партугалію прадстаўлены 76 фотаздымкамі: адчувальна больш, чым, напрыклад, фотасесіі Пуціна на сайце прэзідэнта РФ», — заўважаюць журналісты Соты.

2) Абыякавасць да праблем рэлакантаў

Тут гаворка вядзецца пра тое, што Ціханоўская нічога не робіць з дыскрымінацыяй беларусаў у Літве, а таксама не дапамагае з рэлакацыяй. А блогерка Бела Фокс крытыкуе пашпарт «Новай Беларусі».

3) Скандалы і неэфектыўнасць

У гэты раздзел Дзмітрый Балкунец элегантна запісвае гісторыі, якія ён няспынна раскручвае сам — напрыклад, пра расійскае грамадзянства маці Валерыя Кавалеўскага.

Чытайце таксама: Скандал вакол маці Валерыя Кавалеўскага. Хто запусціў інфармацыйную кампанію і ў чым сутнасць абвінавачанняў?

Сюды ж Балкунец дадае і гісторыю з уцечкай даных, што прывяло да арыштаў дзясяткаў чалавек.

4) Непразрыстасць структур

Панаракаўшы на ўцечку звестак, палітыкі абураюцца, што цяпер з супрацоўнікаў офіса Ціханоўскай бяруць падпіску аб неразгалошванні і пагражаюць штрафам 30 тысяч еўра. «Гэта абсурдная практыка», — перакананы Усаў.

Апроч таго, Усаў наракае, што няма магчымасці праверыць, як размяркоўваюцца грантавыя сродкі. 

5) Канцэнтрацыя ўлады ў адных руках

Нарэшце палітыкі пераходзяць да сваёй галоўнай сутнаснай прэтэнзіі — што ў лідарах апазіцыі аказаліся не яны самі.

«Структуры, якія былі створаны вакол офіса Ціханоўскай у Літве, не былі ўпаўнаважаны насельніцтвам на прадстаўленне яго інтарэсаў. Пераходны кабінет — гэта наогул група самазванцаў, якія стварылі юрыдычную асобу ў Варшаве і сказалі, што яны пераходны ўрад Беларусі», — адзначае Балкунец.

Ён прапануе з дапамогай анлайн-тэхналогій сфармаваць нейкі новы «прадстаўнічы орган». І адпаведна, выбіць уладу з рук Ціханоўскай.

Аўтары артыкула на «Соце» — журналісты Марыя Волах і Аляксей Абухоў. Волах — былая актывістка партыі «Яблака». У 2022 годзе атрымала 20 сутак арышту за пацыфісцкую акцыю ў Маскве пасля пачатку вайны. Прычым паказальна расставіла прыярытэты ў праграмным допісе ў інстаграме: не асудзіла канкрэтна расійскую агрэсію, а абурылася «мілітарысцкім чадам з усіх бакоў».

Прэс-служба Святланы Ціханоўскай адмовілася даваць каментары расійскаму выданню. Журналісты Sotaproject прапанавалі прэс-сакратарцы Ганне Красулінай адказаць на тэзісы «беларускіх палітолагаў», адмовіўшыся называць іх імёны.

«Мы гатовыя весці размову з людзьмі. А вось з неназванымі «беларускімі палітолагамі» — гэта вельмі дзіўна. Гэта маніпуляцыя. Калі яны палітолагі, то ў іх ёсць імя. Калі гэта звычайныя грамадзяне — нармальна. Але адказваць неназваным, аднак жа «палітолагам» — гэта дзіўна», — заявіла Красуліна. Журналісты так і не назвалі ёй імёны Усава і Балкунца, таму дыялогу не атрымалася.

Каментары279

  • Людцы
    15.02.2024
    Расейскія паскуды не прыклад для беларусаў. Святлана - наш Прэзідэнт. І зараз яна адстойвае нашыя правы. Не дае ўабыцца людзям свабоднага свету, што ў Беларусі пануе бандытызм.
  • Пытаннечка
    15.02.2024
    Пытанне адно: чаму гэтыя Балкунцы і іншыя вымушаныя даводзіць відавочныя рэчы праз нейкае лайна-расейкае медыя, а не праз беларускія медыя? Чаму НН не можа апублікаваць інтэрв'ю з імі на сваіх старонках? Не адпавядае палітыцы бенефіцыяраў?
  • Прррр
    15.02.2024
    А хто такія Балкунец і Усаў і што яны зрабілі для Беларусі, каб крытыкаваць яе?

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Усе навіны →
Усе навіны

Вячорка: Лукашэнка абвесціць дату сваіх выбараў, толькі калі скончацца амерыканскія5

Памёр мастак Валерый Чайка. Ён афармляў мінскае метро

Зяленскі пра заяву Буданава пра наступ Расіі з поўначы: Яго не так зразумелі1

Ральф Шумахер здзейсніў камінг-аўт16

Якімі будуць выбары 2025 года? Разважаюць Вячорка, Латушка і Шрайбман51

Як выглядае чарга па ваду ў Мазыры6

Яшчэ адна ахвяра ўрагану: у Светлагорску дрэва забіла 90-гадовага мужчыну

Украінцаў спыталі, ці прыйшоў час пачынаць перамовы з Расіяй — вынікі сацапытання1

«Паспелі развітацца з жыццём». Відавочцы расказалі пра смяротны ўраган на Вілейскім вадасховішчы5

больш чытаных навін
больш лайканых навін

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Шахеды пачалі адзін за адным збівацца з курсу і вяртацца ў Беларусь. Сёння з-за беспілотніка зноў паднялі баявую авіяцыю

Галоўнае
Усе навіны →