Грамадства3131

Скандал вакол маці Валерыя Кавалеўскага. Хто запусціў інфармацыйную кампанію і ў чым сутнасць абвінавачанняў?

Самая магутная інфармацыйная кампанія пачатку 2024 года ў апазіцыйных колах — атака на намесніка старшыні Аб'яднанага пераходнага кабінета Валера Кавалеўскага. Апаненты спрабуюць выставіць яго «агентам» і тарпедаваць рэпутацыю дыпламата праз асобу яго маці.

Адкуль пачалася атака? Адтуль жа, адкуль ішла і папярэдняя, супраць сузаснавальніка ініцыятывы By_help Аляксея Лявончыка.

Гэта супольнасць з тэлеграм-канала «Аб'яднаны штаб супраціву» (на меркаванне «Байпола», за АШС стаіць Андрэй Абозаў, які цяпер жыве ў Эстоніі), палітолага Дзмітрыя Балкунца, прэтэндэнта ў прэзідэнты-2020 Валерыя Цапкалы. Балкунец за тыдзень напісаў у сваім канале 15 (!) допісаў, прысвечаных Валерыю Кавалеўскаму.

У папярэдняй сітуацыі супольнасць апелявала да айчыма жонкі Лявончыка — бо той працаваў у Радзе бяспекі. А Лявончык у адказ даводзіў, што не падтрымлівае адносіны з цесцем ужо амаль 10 гадоў. На гэтым абмеркаванне скончылася, і ўвага пераключылася на наступную тэму.

Цяпер гаворка пайшла пра маці Валерыя Кавалеўскага. Людміла Кавалеўская доўгі час жыла ў Расіі, атрымала расійскае грамадзянства і нават уступіла ў «Адзіную Расію». Апроч таго, жанчына з’яўлялася прадстаўніком гандлёвай карпарацыі Удмурцкай Рэспублікі ў Беларусі. Загучалі абвінавачванні пра чарговы «расійскі» след у дэмакратычных сілах Беларусі.

Людміла Кавалеўская Lyudmila Kovalevskaya Людмила Ковалевская
Людміла Кавалеўская (другая справа) на сустрэчы з беларускімі чыноўнікамі. Фота: @ostorojnovirusSvobody / Telegram

Кавалеўскі адмовіўся каментаваць сітуацыю «Нашай Ніве», але даў некалькі інтэрв'ю іншым СМІ. 

У эфіры «Еўрарадыё» Кавалеўскі распавёў, што яго маці, якая нарадзілася на Палессі, па ўласнай ініцыятыве паехала працаваць у Расію, дзе былі добрыя магчымасці для яе прафесійнай рэалізацыі.

Доўгі час Людміла Кавалеўская пражыла ў Іжэўску (Удмурція). Там яна займалася грамадскай дзейнасцю, брала ўдзел у працы беларускай дыяспары. У 2017 годзе як кандыдат ад «Адзінай Расіі» Людміла ўдзельнічала ў выбарах, але не перамагла. Для таго, каб удзельнічаць у выбарах, яна адмовілася ад беларускага грамадзянства.

Па словах Валерыя, яго маці з 2020 года жыве ў Беларусі. Яна аднавіла беларускае грамадзянства і добраахвотна выйшла з расійскага. Таму, маўляў, жанчына зараз не можа быць сябрам ніякай палітычнай партыі ў Расіі.

Ва Удмурціі Людміла Кавалеўская працавала на «Гандлёвы дом «Беларусь». Але, як адзначае Валерый, гэта была прыватная, а не дзяржаўная структура. Таму нельга гаварыць, што гэта быў нейкі дзяржаўны орган прасоўвання беларускай прадукцыі.

Людміла Кавалеўская Lyudmila Kovalevskaya Людмила Ковалевская
Людміла Кавалеўская. Фота: @ostorojnovirusSvobody / Telegram

Цяпер Людміла Кавалеўская зʼяўляецца прадстаўніком удмурцкай гандлёвай карпарацыі ў Беларусі — «свабодным агентам» па прасоўванні прадукцыі, што вырабляецца ва Удмурціі, на беларускі рынак.

Як распавёў Валерый Кавалеўскі, маці з павагай паставілася да яго рашэння далучыцца да каманды Святланы Ціханоўскай. Але гэта стварыла для яе пэўныя рызыкі.

У інтэрвʼю «Радыё Ўнэт» Кавалеўскі дадаў, што спецслужбы неаднаразова выклікалі маці на размовы, а восенню мінулага года ў яе кватэры быў праведзены ператрус. Зрэдку Людміла бывае за мяжою, дзе сустракаецца з сынам і ўнукам.

У тэлеграм-канале OSINT «Феникс», які пазіцыянуе сябе як «праект ускрыцця прарасійскай агунтуры ў шэрагах апазіцыі» адрэагавалі на тлумачэнні Валерыя Кавалеўскага адносна адсутнасці ў яго маці расійскага грамадзянства. Яны пераконваюць, што расійскі пашпарт Людмілы Кавалеўскай не значыцца сярод несапраўдных, таму яна працягвае быць грамадзянскай Расіі.

Чытайце яшчэ:

«Калі палітыка пытаюць, агент ты ці не агент, я не ведаю, што ён мусіць адказваць». Сяргей Вазняк патлумачыў, для чаго ім з Калякіным партыя

Былая рэдактарка Чорнай кнігі Беларусі выступіла са скандальнымі заявамі — і пачаліся разборкі на ўвесь інтэрнэт

«Байпол» выклаў сваю версію расколу арганізацыі: спецслужбы, «штаб супраціву», Балкунец і Цапкала

Як вызначыць агента ў сваім атачэнні

Каментары31

  • Ігар
    10.01.2024
    Гэты кандзібобер стопрацэнты супрацоўнік.
  • Дзед Талаш
    10.01.2024
    Пытаньні да маці Кавалеўскага ёсць. Як і да яго. Але калі іх уздымаюць зашквараныя супрацоўніцтвам з маскавітамі істоты накшталт балкунца, які шануе гей-оргіеўскія стужкі зразумела навошта яны гэта робяць.

    Мы самі паміж сумленнымі беларусамі неяк разбярэмся без маскавіцкай пацучай хеўры: балкунцы, цапкалы, суздальцавы, карачы..
  • Палітолаг
    10.01.2024
    Магда сказаў, што не верыць Кавалеўскага, таму і я таксама не веру!

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель3

Аргенціна выйграла Кубак Амерыкі па футболе — і гэта таксама рэкорд

Як адразу пасля замаху на Трампа сацсеткі запоўнілі тэорыі змовы і пры чым тут Ілан Маск32

У Брэсце закансервуюць руіны 400-гадовага кляштара. Гэта адзінае збудаванне, што засталося ад гістарычнага Берасця4

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →