У Мінску пацыент напаў з сякерай на брыгаду хуткай дапамогі. Медыкі ў рэанімацыі
Брыгада спецыялістаў хуткай дапамогі прыбыла на выклік да пацыента ў Мінску, а пацыент напаў на іх з сякерай. Абодва фельчары шпіталізаваныя, паведаміла прэс-служба Мінздароўя.
У пацярпелых медыцынскіх работнікаў дыягнаставаныя спалучаныя траўмы. Паведамляецца, што агульны стан расцэньваецца як сярэдняй ступені цяжкасці, праводзіцца ўсё неабходнае лячэнне.
Пасля ўжо міліцэйская прэс-служба паведаміла некаторыя падрабязнасці таго, што адбылося.
Паводле яе інфармацыі, спецбрыгада медыкаў прыбыла на выклік: 33-гадовага мужчыну належала даставіць у РНПЦ псіхічнага здароўя. 42-гадовы і 30-гадовы медыкі ўвайшлі ў кватэру, папрасілі ляжачага пацыента ўстаць і прайсці за імі.
Старэйшы фельчар у пэўны момант адвярнуўся, пачуў дзіўны гук і пабачыў свайго калегу ў крыві. А пасля хворы пачаў біць па галаве і яго самога.
Скончылася тым, што бацька пацыента выклікаў яшчэ адну брыгаду, якая прыехала з міліцыяй. Сілавікі даставілі хворага спачатку ў райаддзел, а пасля транспартавалі ў РНПЦ псіхічнага здароўя.
Былы афіцэр абяцаў хлопцам у калоніі, што вызваліць іх. Але новая рэальнасць Беларусі яго шакавала4
Каментары