Грамадства1313

«Верхняя пятля правай часткі варот адарвалася, і вароты ўпалі на старшага лейтэнанта». Belpol даведаўся пра будні «12-й арміі свету»

Пакуль лукашэнкаўскія прапагандысты цешацца, што паводле апытання тысяч неспецыялістаў з 36 краін беларуская армія займае нібыта па сваёй моцы 12-е месца ў свеце, апераджаючы нават ядзерныя дзяржавы, група Belpol атрымала доступ да архіўнай статыстыкі здарэнняў, якія адбыліся ў гэтай арміі цягам аднаго месяца. Былыя сілавікі, аб'яднаныя ў гэтай ініцыятыве, сцвярджаюць, што на ўсю гэтую інфармацыю маюць пацвярджальныя дакументы.

Здымак ілюстрацыйны. Фота: агенцтва «Ваяр»

6-я асобная механізаваная брыгада (горад Гродна)

У час устаноўкі жорсткай счэпкі паміж БРЭМ-Ч (браняваная рамонтна-эвакуацыйная машына) і БТС-4 (гусенічны браніраваны цягач), механік-кіроўца БТС-4, не заглушыўшы рухавік і не паставіўшы рычаг пераключэння перадач на нейтральнае становішча, адпусціў педаль счаплення і наехаў на двух вайскоўцаў, якія апынуліся паміж машынай і счэпкай.

У выніку наезду прапаршчык і радавы-кантрактнік атрымалі спалучаныя траўмы галавы, грудзей, жывата, хрыбетніка, лёгкіх.

11-я асобная механізаваная брыгада (горад Слонім Гродзенскай вобласці)

У час пагрузкі на трал БМП-2 (баявая машына пяхоты) пры выраўноўванні машыны яна перакулілася, у выніку чаго радавы тэрміновай службы атрымаў драпіны, падскурныя гематомы абедзвюх цемянных абласцей, пашкоджанні правага локцевага сустава і мяккіх тканак абедзвюх сцёгнаў.

336-я рэактыўная артылерыйская брыгада (горад Асіповічы Магілёўскай вобласці)

На занятках па агнявой падрыхтоўцы, выконваючы першае практыкаванне (кіданне гранаты РГД-5), навучэнец трапіў гранатай у верхнюю частку сценкі агароджы акопа, якая, адскочыўшы, упала ва ўлоўнік гранат. Капітан, які кіраваў заняткамі, закрыўшы вайскоўца на спецыяльна абсталяванай пляцоўцы, страціў раўнавагу і зваліўся ў левае сховішча, пры гэтым атрымаўшы асколачныя раненні і выбуховую траўму мяккіх тканак левай ягадзіцы і левага сцягна.

11-я асобная механізаваная брыгада (горад Слонім Гродзенскай вобласці)

У час інжынернага абсталявання раёна размяшчэння пры капанні схованкі для тэхнікі з выкарыстаннем ПЗМ-2 (палкавая землярыйная машына) дрэва, якое знаходзілася паблізу сценкі акопа, з-за мяккага грунту і моцнага парыву ветру ўпала на палатку, у якой знаходзіўся вайсковец тэрміновай службы. У выніку вайсковец атрымаў траўмы хрыбетніка. Дрэва ўпала на палатку таму, што яму выкапалі занадта блізка ад яго.

120-я асобная механізаваная брыгада (Уручча, горад Мінск)

У час перамяшчэння на мяжу разгортвання пры ўваходзе на паварот дарогі перакулілася БРДМ (браняваная разведвальна-дазорная машына), у выніку чаго малодшы сяржант, які праходзіў тэрміновую службу, атрымаў спалучаныя траўмы пазваночніка, таза, канечнасцяў.

Вайсковая акадэмія Рэспублікі Беларусь

Пераадольваючы няроўнасці дарогі на занятках па кіраванні (танка) Т-72, інструктар па кіраванні радавы тэрміновай службы, стукнуўся правым вокам аб прыбор назірання і атрымаў страсенне галаўнога мозга, пералом костак чэрапа і розныя пашкоджанні вока.

120 асобная механізаваная брыгада (Уручча, горад Мінск)

Пры вывадзе машыны са сховішча верхняя пятля правай часткі варот адарвалася, і вароты ўпалі на старшага лейтэнанта, у выніку чаго ён атрымаў траўмы патылічнай і паяснічнай абласцей, правай галёнкі, пашкоджанні мяккіх тканак левага сцягна, левай нагі і грудной клеткі.

2-я інжынерная брыгада (горад Мінск)

Пры абслугоўванні запорнага прыстасавання самазвала МАЗ-551605 міжвольна ўпаў драўляны брусок, які ўтрымлівае задні борт, у выніку чаго радавы тэрміновай службы атрымаў траўму патылічнай часткі галавы.

Акрамя таго, у той жа перыяд у час заняткаў па фізічнай падрыхтоўцы вайскоўцамі атрыманыя 1 пералом, 1 вывіх, 1 траўма. Пры правядзенні гаспадарчых работ — 3 пераломы і 1 колатая рана. У працэсе абслугоўвання тэхнікі — 1 ірваная рана і 1 траўма. Пры выкананні задач ахоўвання і патрулявання — 2 пераломы і 1 укус бадзяжнага сабакі. Пры іншых абставінах — 1 пералом, 2 выпадкі страты прытомнасці і 3 траўмы.

Каментары13

  • Правдорез
    31.10.2023
    укус бадзяжнага сабакі...

    Это вообще нонсенс!) Их даже собаки не боятся!....
  • Нашы танкі лепшыя па пагружэньню ў балотах Палесься
    31.10.2023
    Войка ў беларусі не абарона (расецы шастаюць, банфармаваньне Вінігрэт, ды й калі б украінцы ўайшлі - усе б адразу разбегліся). Войска ў Беларусі частка рэпрэсіўнага аппарата па анігіляцыі асобы (дзеці вертухайшчыкаў шыкоўна пазьбягаю гэтага інструмента дзяржавы). Прызыў і знаходжаньне зьяўляюцца часткай механізму незаконнага ўтрыманьня ля ўлады калабарантаў і не скіравана на зьнешнюю пагрозу а скіравана на падаўленьне ўсякага іншадумства ў грамадстве. Генералітэт атрымлівае прывілеі не за абарону і вывучку войска а за лаяльнасьць Сонцападобну і расправу над нацыянальнай белаларускай сьвядомасьцю
  • Цыц
    31.10.2023
    Двенадцатая с конца эта "армия".

Круты: Бог паслаў ураган, каб прэзідэнт парадаваўся, што створаная ім сістэма выстаяла19

Круты: Бог паслаў ураган, каб прэзідэнт парадаваўся, што створаная ім сістэма выстаяла

Усе навіны →
Усе навіны

Помнік на магіле Прыгожына ў Пецярбургу аблілі белай фарбай. А ў руку ўставілі фалаімітатар ФОТАФАКТ4

«Па кодавым слове «Барысаўна» выкінула ў акно €760 тысяч». 16-гадовы кур'ер забраў у дваіх пенсіянераў 2,7 млн рублёў14

Што адбудзецца, калі Байдэн выйдзе з прэзідэнцкай гонкі?1

Украінскі фронт на Данбасе пасыпаўся ў некалькіх месцах — аналітык Bild10

Беларускі айцішнік пераехаў у Аўстралію і трапіў пад скарачэнні. І задаўся адвечным пытаннем «Што рабіць»?15

У Лідзе затрымалі ўладальніка кавярні «Тутака»

Z-канал: Імаверна, Крыгер арганізоўваў дыверсіі ў Бранскай вобласці5

Раіла біць нагой у сківіцу кожнаму маскваротаму, называла акупацыю Марыупаля кармай — хто такая Ірына Фарыён, якую забілі ў Львове37

У Вілейскім раёне кіроўца пагрузчыка ледзь не ўрэзаўся ў пахавальную працэсію

больш чытаных навін
больш лайканых навін

Круты: Бог паслаў ураган, каб прэзідэнт парадаваўся, што створаная ім сістэма выстаяла19

Круты: Бог паслаў ураган, каб прэзідэнт парадаваўся, што створаная ім сістэма выстаяла

Галоўнае
Усе навіны →