Свет33

Арыштавалі грамадзяніна Беларусі, які ў складзе міжнароднай злачыннай групоўкі пастаўляў узбраенні ў Расію

Спецслужбы Балгарыі паведамілі аб затрыманні групы людзей, якая таемна пастаўляла прадукцыю двайнога прызначэння расійскім вайскоўцам і ПВК «Вагнер». Групоўка дзейнічала таксама і ў Вялікабрытаніі, Швейцарыі, Сербіі, Сінгапуры і ААЭ.

Ілюстрацыйная выява. Фота: AP

Дзяржаўнае агенцтва нацыянальнай бяспекі Балгарыі заявіла пра затрыманне 12 чалавек, якія ў складзе міжнароднай злачыннай групоўкі таемна забяспечвалі расійскую армію ва Украіне таварамі падвойнага прызначэння.

Падрабязнасці аб справе cёння распавяло выданне Balkan Insight.

Паведамляецца, што сярод арыштаваных ёсць ураджэнцы Балгарыі, Албаніі, Расіі, Грэцыі і Беларусі. Паводле балгарскіх спецслужбаў, яны пастаўлялі прадукцыю не толькі рэгулярнай расійскай арміі, але таксама і ПВК «Вагнер», і чачэнскім падраздзяленням Рамзана Кадырава.

«Пяці з дванаццаці затрыманых ужо афіцыйна выстаўлена абвінавачанне. Гэта грамадзянін Расіі Раманас Ветрыдыс, яшчэ двое расіян Васіль і Яўген Ульянавы, албанец Яні Яшылі і ўраджэнец Беларусі Дзмітрый Дымітрыус.

Яны абвінавачваюцца ў тым, што пастаўлялі расійскім сілам ва Украіне розныя віды тавараў падвойнага прызначэння, у тым ліку аптычныя вінтовачныя прыцэлы і авіяцыйнае радыёабсталяванне», — перадае Balkan Insight.

Па інфармацыі следства, ценявыя пастаўкі тавараў для Расіі ішлі праз створаную ў 2019 годзе мясцовую фірму Aflon, якая знаходзіцца ў балгарскім горадзе Плоўдзіў і афіцыйна спецыялізуецца на гандлі вугалем, пшаніцай ды іншымі таварамі.

Кіравалі фірмай грамадзянін Расіі Ветрыдыс і грэцкі бізнэсмен Такіс Трыкідыс, які дагэтуль знаходзіцца на волі.

«Трыкідыс яшчэ ў 2013 годзе быў арыштаваны за тое, што ў складзе так званай «банды Калашнікава» ўчыніў на поўначы Грэцыі шматлікія рабаванні банкаў, банкаматаў, напады на паліцыянтаў. Ëн таксама ўдзельнічаў у незаконным абароце зброі і наркотыкаў. Ён тады быў прыгавораны да дзевяці гадоў пазбаўлення волі», — расказвае выданне.

Журналісты дадаюць, што тавары для забеспячэння расійскай арміі ішлі з Плоўдзіва ў Сафію, а адтуль праз Турцыю траплялі ў Расію. Сама групоўка дзейнічала таксама і ў Вялікабрытаніі, Швейцарыі, Сербіі, Сінгапуры і ААЭ.

Таксама гэтая справа дае дадатковы доказ сувязяў між еўрапейскім злачынным светам і расійскімі спецслужбамі.

«Наша Нiва» — бастыён беларушчыны

ПАДТРЫМАЦЬ

Каментары3

  • mikola
    18.10.2023
    Arystavali ? Dobra zrabili ! Takih rastrelvac treba !
  • Rogr
    19.10.2023
    mikola, kamu patrebny tvaje biessensownyja kamientary (navat kali ty randomna akazvajesxsia praw)?
  • Змітрыюс
    19.10.2023
    Як ён беларус з такім прозвішчам?

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны2

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны

Усе навіны →
Усе навіны

Паглядзіце, як прыкольна выглядае беларускі пашпарт пад ультрафіялетам13

Гэты карлікавы кот з сарамлівым выглядам стаў новай зоркай сацсетак5

У гатэлі Бангкока знойдзены мёртвымі шэсць грамадзян В'етнама1

Названы свежы медыянны заробак. І ён намнога меншы за сярэдні

Высветлілася, што пад Масквой патануў кіраўнік дэлегацыі вайскоўцаў КНДР

Рабочаму з Баранавічаў далі год за лайкі пад карыкатурамі на Лукашэнку. Цяпер пагражае яшчэ да 12 гадоў3

Замах на Дональда Трампа планаваў Іран — CNN12

Мінэнерга паведаміла пра аднаўленне электразабеспячэння Мазыра1

Мазырская вертыкальшчыца далажыла пра аднаўленне водазабеспячэння. У каментарах ёй пярэчаць

больш чытаных навін
больш лайканых навін

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны2

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны

Галоўнае
Усе навіны →