Грамадства77

Былога начальніка наваполацкай міліцыі судзілі за непадпарадкаванне яго колішнім калегам. Але пакараць яго цяжка, бо ён дэпутат 

У пачатку жніўня быў затрыманы былы начальнік наваполацкай міліцыі Уладзімір Дуброўскі (пасаду кіраўніка ГАУС ён займаў да вясны 2022 года). «Наша Ніва» даведалася падрабязнасці.

Уладзімір Дуброўскі. Фота: novaya.by

Як паведаміў «Белпол» са спасылкай на свае крыніцы, уночы з 4 на 5 жніўня Дуброўскі ехаў з полацкай рэстарацыі «Гранд Паб» і ледзь не ўрэзаўся ў будынак. Калі на месца здарэння прыехаў нарад ДАІ, Дуброўскі адмовіўся сесці ў службовую машыну, аказаў супраціўленне супрацоўнікам міліцыі і аднаму з іх парваў форменную кашулю.

«Белпол» сцвярджае, што былы міліцэйскі начальнік быў у нецвярозым стане.

Дуброўскага затрымалі, але ненадоўга: ён з'яўляецца дзейным дэпутатам Наваполацкага гарсавета, і ў адпаведнасці з заканадаўствам яго мусілі адпусціць, як толькі высветлілася гэтая акалічнасць.

Як даведалася «Наша Ніва», 7 жніўня Уладзіміра Дуброўскага судзілі ў Полацкім гарадскім судзе за непадпарадкаванне законным патрабаванням супрацоўніка міліцыі паводле арт. 24.3 КаАП. Справу разглядаў суддзя Віктар Баліка.

Згодна з гэтым артыкулам, вінаваты можа быць пакараны штрафам ад 2 да 100 базавых велічыняў або арыштам. Паколькі Дуброўскі з'яўляецца дэпутатам Наваполацкага гарсавета, у адпаведнасці з артыкулам 6.6 Працэсуальна-выканаўчага кодэкса (ч. 2 п. 6) асобаў у такім статусе пакараць адміністрацыйным арыштам нельга.

Ці быў Уладзімір Дуброўскі аштрафаваны і ў чым дакладна была сутнасць паседжання, Рэдакцыі невядома.

Аднак рашэнне Полацкага суда дэпутат аспрэчваў у Віцебскім абласным судзе 16 жніўня. 

Жыхарка Наваполацка патэлефанавала Уладзіміру Дуброўскаму, але той не захацеў гаварыць пра суд. Дэпутат абарваў тэлефонную размову, запрасіўшы на прыём. 

Падчас працы на пасадзе кіраўніка ГАУС Дуброўскі шчыраваў у пошуках і пакараннях удзельнікаў пратэстаў супраць вынікаў мінулай прэзідэнцкай выбарчай кампаніі. Па выніках працы за 2020 год Наваполацкі ГАУС быў прызнаны найлепшым сярод аддзелаў міліцыі Віцебскай вобласці. Ягоны кіраўнік «за значны ўнёсак ва ўмацаванне правапарадку» быў узнагароджаны корцікам. Таксама за час службы ў Наваполацкім ГАУС (з 2011 года) ён быў уганараваны медалямі «За бездакорную службу» трох ступеняў і нагрудным знакам «Ганаровы супрацоўнік МУС».

Пасля сыходу з міліцыі Дуброўскі працуе адмыслоўцам па інфармацыі і эканамічнай бяспецы ААТ «ЭдзіТэк» (раней прадпрыемства называлася «ЛЛК-НАФТАН», але ў 2021 годзе змяніла назву, каб не трапіць пад санкцыі ЗША).

«Наша Нiва» — бастыён беларушчыны

ПАДТРЫМАЦЬ

Каментары7

  • даведка
    25.08.2023
    Когда пьяными за рулём ловят председателей райисполкомов, то приходится их отпускать без дазволу Лукашенко.
  • гоблен
    25.08.2023
    Правильно! Перед законом все равны! 😎
  • Бригада
    25.08.2023
     працуе адмыслоўцам па інфармацыі і эканамічнай бяспецы ААТ «ЭдзіТэк» 
    =========================================
    Говоря по-простому, это ментовская крыша. Если у более-менее серьёзного бизнеса нет такой крыше в виде силовика-отставника, то быстро отожмут. Страна для силовиков и чиновников. 

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны2

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны

Усе навіны →
Усе навіны

Байдэн назваў адзіную ўмову, пры якой адмовіцца ад прэзідэнцтва9

Аднаго з найлепшых беларускіх трэнераў па настольным тэнісе судзяць за «садзейнічанне экстрэмісцкай дзейнасці»2

Пайшоў з жыцця беларускі вынаходнік Аляксандр Длатоўскі

Паглядзіце, як прыкольна выглядае беларускі пашпарт пад ультрафіялетам13

Гэты карлікавы кот з сарамлівым выглядам стаў новай зоркай сацсетак5

У гатэлі Бангкока знойдзены мёртвымі шэсць грамадзян В'етнама1

Названы свежы медыянны заробак. І ён намнога меншы за сярэдні

Высветлілася, што пад Масквой патануў кіраўнік дэлегацыі вайскоўцаў КНДР

Рабочаму з Баранавічаў далі год за лайкі пад карыкатурамі на Лукашэнку. Цяпер пагражае яшчэ да 12 гадоў3

больш чытаных навін
больш лайканых навін

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны2

«Бл*дарусы — нацыя здраднікаў і паразітаў». Z-каналы ў шаленстве ад рашэння Лукашэнкі адвесці войскі ад Украіны

Галоўнае
Усе навіны →