Абнаўленне скульптуры зубра, якая знаходзіцца на 117-м кіламетры трасы М1 «Мінск-Брэст», і тэрыторыі каля яго выходзіць на завяршальны этап. Днямі там абсталявалі аўтапаркоўку.
Як паведамляе афіцыйны тэлеграм-канал #1регион, паркоўка размешчана з улікам патрабаванняў бяспекі правіл дарожнага руху. Раней аўтатурыстам, каб сфатаграфавацца з зубром, даводзілася спыняцца проста на ўзбочыне.
Абнаўленне гіганцкай скульптуры, якую ўсталявалі амаль 20 гадоў таму, пачалося яшчэ летась. Тады мянялі металічныя лісты, пераварвалі швы. Крыху пазней яе перафарбавалі, а нядаўна ўсталявалі незвычайную падсветку. Цяпер у зубра ноччу свецяцца нават вочы.
Гіганцкая фігура зубра ўстаноўленая на мяжы Брэсцкай і Мінскай абласцей у 2003 годзе. У вышыню металічны зубр 30 метраў, а важыць ён каля 70 тон. Зрабілі скульптуру на Пінскім суднабудаўніча-суднарамонтным заводзе.
«Падлік галасоў як сатанісцкі рытуал». Былы член камісіі расказаў, як у Беларусі фальсіфікуюць выбары8
Каментары