Тое, што там мясцовыя жыхары пазнаёміліся з ляснымі насельнікамі, пацвердзіў старшыня садовага таварыства «Адпачынак» Мікалай Смірноў, піша выданне «Прысталічча».

Па словах Смірнова, каля ЖК «Пірс» недалёка ад кафэ «Бронгал» мама з двума медзведзянятамі купаліся ў раўчуку, што працякае побач.

— На жаль, здымкаў зрабіць не ўдалося — спалохаліся. А вось сёння, 2 жніўня, калі я ехаў у Мінск са Ждановічаў, заўважыў, як вялікі мядзведзь перабягаў дарогу ў процілеглы бок ад ручая, бліжэй да запраўкі. Вырашыў прайсціся лесам, але нікога не заспеў там. Апошнім часам насельнікі лесу ўсё часцей сталі прыходзіць да людзей, — адзначыў Мікалай Смірноў.

Ён кажа, што жывёлам падабаецца чыстая, прыбраная тэрыторыя.

Чытайце таксама:

У Беларусі прапануюць выключыць мядзведзя з Чырвонай кнігі

Кітайскаму заапарку прыйшлося даказваць, што яго мядзведзі — сапраўдныя, а не людзі ў касцюмах

Пад Магілёвам па полі бегаў мядзведзь ВІДЭА

Клас
7
Панылы сорам
0
Ха-ха
5
Ого
9
Сумна
2
Абуральна
1