«Беларусы, я намі ганаруся!» Святлана Ціханоўская звярнулася да беларусаў па выніках марафону «Нам не ўсё адно!»
Лідарка беларускіх дэмакратычных сіл Святлана Ціханоўская адразу пасля заканчэння марафону «Нам не ўсё адно!», падчас якога сабралі данатаў на агульную суму 574 356 еўра, звярнулася да беларусаў, у якім выказала словы падзякі і захаплення за такі фантастычны вынік. Яе зварот так і называецца — «Беларусы, я намі ганаруся!».
«Я дзякую кожнаму, хто ахвяраваў грошы. Дзякую актывістам, палітыкам, праваабаронцам і артыстам, якія ўзялі ўдзел у марафоне. Вялікі дзякуй усім журналістам і незалежным беларускім медыя, якія аб’ядналіся вакол адной мэты. І, вядома, давайце разам падзякуем Волі Гарбуновай і яе камандзе за арганізацыю такой ініцыятывы — гэта так важна для ўсіх нас.
Гэты марафон зноў даў веру ў тое, што мы, беларусы, здольныя аб’яднацца.
Мы здольныя дапамагаць адно аднаму, дзе б мы ні знаходзіліся. Разам мы зноў паказалі ўсяму свету, што нам не ўсё адно на лёсы тых, хто цяпер знаходзіцца ў закладніках рэжыму.
Дарагія, памятайце галоўнае — для дапамогі адно аднаму не патрэбная нейкая нагода ці асаблівая дата.
Салідарнасць і ўзаемны клопат заўсёды былі і будуць нашай сілай. А іх вынік — так радуе і зараджае натхненнем усіх нас. Я заўсёды кажу, што веру ў беларусаў. І вы, мае дарагія, таксама не забывайцеся верыць адно ў аднаго», — сказала Святлана Ціханоўская.
Цяпер цягам тыдня ўсе сабраныя грошы назіральная рада на чале з прадстаўніцай Аб’яднанага пераходнага кабінета Вольгай Гарбуновай мае размеркаваць паміж 13-цю ініцыятывамі і фондамі, якія займаюцца аказаннем падтрымкі палітзняволеным. Пасля ў арганізацый будзе два месяцы на тое, каб накіраваць дапамогу палітзняволеным і іх блізкім.
Ужо ў лістападзе Ціханоўская абяцае даць пра ўсе гэтыя працэсы публічную справаздачу.
Чытайце таксама:
Марафон «Нам не ўсё адно!» фінішаваў, канчатковая сабраная сума — 574 356 еўра
Святлана Курс прапанавала правесці яшчэ адзін марафон — для беларускіх ваяроў
Былы афіцэр, выжыў у страшным баі. Хто той каліновец Верамейчык, якога В’етнам аддаў беларускаму КДБ?36
Каментары