Усяго патроху44

Калі кот сумуе. Некалькі лайфхакаў, як парадаваць жывёлу

Як і людзям, свойскім жывёлам таксама часам бывае сумна. Для іх гэта даволі небяспечны псіхалагічны стан, бо ад нуды жывёла можа пачаць рабіць немалы беспарадак.

Фота: «Наша Ніва»

Да таго ж у хатняга ўлюбёнца, якому ўвесь час сумна, можа сапсавацца характар. У першую чаргу гаворка ідзе пра больш таварыскіх сабак, але каты таксама могуць адчуваць нуду і перажываць яе наступствы. Як праяўляецца гэтая эмоцыя ў катоў і што рабіць, каб кот (ці кошка) перасталі сумаваць, піша Obozrevatel.

Самая першая прыкмета таго, што кату сумна, — гэта схільнасць да дэструктыўных паводзін.

Жывёла можа пачаць скідаць рэчы з паліц і сталоў, драць кіпцюрамі мэблю ды інш. Калі кот пачынае так сябе паводзіць, можна проста паспрабаваць звярнуць на яго ўвагу. Калі гэта сапраўды прыкмета нуды, кот з радасцю пераключыцца на гульні з вамі і забудзе пра сваё жаданне нанесці шкоду.

Калі кот флегматычны па характары, ён можа ад нуды станавіцца апатычным, зашмат спаць, губляць цікавасць да жыцця. А яго актыўныя сваякі, наадварот, паводзяць сябе шумна: бегаюць па кватэры, крычаць, часам праяўляюць агрэсію да членаў сям'і і іншых жывёл.

Калі кот пачаў праяўляць адзін з гэтых сімптомаў, паспрабуйце пагуляць з ім больш часу, проста пагладзьце. Жывёла павінна адчуваць вашу ўвагу.

Добры спосаб пазбавіць ката ад нуды — даць яму як мага больш забавак. Можна набыць простыя цацкі або цэлыя галаваломкі, уладкаваць домік з палічкамі і хованкамі, дзе кот зможа лазіць і спаць.

Калі характар жывёлы дазваляе, то гуляйце з катом на вуліцы. Тады жывёла засяродзіцца на вывучэнні новых тэрыторый і перастане сумаваць. У такім выпадку трэба паклапаціцца аб абароне яго ад паразітаў і пра бяспеку.

Калі ніводны з гэтых спосабаў перамагчы нуду ў ката не дапамагае, дзіўныя паводзіны жывёлы могуць аказацца прыкметай хваробы.

Тады трэба неадкладна звярнуцца з катом да ветэрынара.

Каментары4

  • Пакля-шпакля
    29.06.2023
    feafania, каты больш любяць гаспадынь, а не гаспадароў, да гаспадароў звычайна коткі плішчацца. Таму гуляйце самі з сваім катом, а гаспадару дайце паспаць спакойна, альбо газэту пачытаць на канапе.
  • Мужык
    29.06.2023
    Даць яму валяр'янкі, хай адарвецца, адзін раз жывем
  • Колыбель для кошки (роман)
    30.06.2023
    Мужык, ага. это ведь у кошки типа 9 жизней...

Масавыя чысткі на беларускіх абарончых прадпрыемствах

Масавыя чысткі на беларускіх абарончых прадпрыемствах

Усе навіны →
Усе навіны

Беларус накарміў вужа рыбай і зняў працэс на ВІДЭА1

У Ляхавіцкім раёне мужчына хацеў спаліць суседскі хлеў, ды памыліўся будынкам1

У Італіі затрымалі беларуса, аб'яўленага ў вышук на радзіме3

У Беларусі будуць будаваць менш новых дарог1

Шольц адмовіўся каментаваць магчымасць абмену Рыка Крыгера на Вадзіма Красікава7

У Турцыі затрымалі расіяніна, падазраванага ў падрыве аўтамабіля афіцэра ГРУ ў Маскве

Памятаеце беларуса, які падчас экстрадыцыі перакрыў мост на мяжы? Яго ўсё ж пасадзілі на суткі7

У Пінску прайшла моцная залева, затапіла вуліцы ВІДЭА

«Акела прамахнуўся». У сеціве завірусілася пацешнае ВІДЭА, як брэсцкі кот паляваў на бусла1

больш чытаных навін
больш лайканых навін

Масавыя чысткі на беларускіх абарончых прадпрыемствах

Масавыя чысткі на беларускіх абарончых прадпрыемствах

Галоўнае
Усе навіны →