У Магілёве дзеці каталіся на плыце — дзевяцігадовы хлопчык патануў
Трагедыя здарылася днём 20 чэрвеня ў заліве Дняпра, паблізу гандлёвага цэнтра «Е-сіці», паведамляе МНС.
Кампанія дзяцей, сярод якіх былі два браты (13-ці і 9-ці гадоў) купаліся ў заліве і каталіся на імправізаваным драўляным плыце, зробленым з дошак.
Малодшы з братоў зваліўся з плыта ў ваду і пачаў тануць, бо не ўмеў плаваць. Старэйшы брат, не здолеўшы аказаць дапамогу, выйшаў на бераг і набраў нумар ратавальнікаў. Дзеці, якія купаліся з імі, уцяклі.
Вадалазы дасталі дзіця з вады і перадалі работнікам хуткай дапамогі. Хлопчыка шпіталізавалі ў абласную дзіцячую бальніцу, дзе дактары некалькі гадзін змагаліся за яго жыццё. На жаль, выратаваць дзіця не ўдалося.
Чалы: Чым даўжэй Лукашэнка марудзіць з выбарамі, тым больш аргументаў, каб яму не ісці15
Каментары