Свет33

Амерыканская настаўніца, у якую стрэліў 6-гадовы вучань, хоча адсудзіць у дырэктаркі 40 мільёнаў даляраў

У пазове Эбігейл Цвернер гаворыцца, што школьнае кіраўніцтва не прыслухалася да яе папярэджанняў, што агрэсіўны хлопчык носіць з сабой пісталет, паведамляе The Wall Street Journal.

Abigail Zwerner
Эбігейл Цвернер, настаўніца першага класа, у якую стрэліў 6-гадовы вучань. Фота: NBC News via Associated Press

Настаўніца з Вірджыніі, у якую стрэліў яе 6-гадовы вучань, на гэтым тыдні падала пазоў на 40 мільёнаў даляраў супраць адміністрацыі школьнай акругі, заявіўшы, што адміністрацыя не прыняла мер, нягледзячы на неаднаразовыя папярэджанні пра тое, што ў хлопчыка быў пісталет.

Хлопчык, імя якога не называецца, стрэліў у Эбігейл Цвернер 6 студзеня. У пазове гаворыцца, што 25-гадовая настаўніца ў момант стрэлу сядзела за сталом, куля прабіла ёй руку і захрасла ў грудзях. Нягледзячы на раненне, яна здолела вывесці дзяцей з класа, а сама выбегла апошняй.

Інцыдэнт прыцягнуў увагу ўсіх Злучаных Штатаў і выклікаў пытанні пра гвалт з ужываннем агнястрэльнай зброі ў школах. У пазове гаворыцца, што хлопчык быў узброены пісталетам 9-мм калібру, які яго маці набыла на законных падставах.

Спадарыня Цвернер абвінаваціла ў халатнасці школьную раду, а таксама трох былых работнікаў школы — намесніка дырэктара, дырэктара і кіраўніка. Усе яны з таго часу з’ехалі з раёна або перайшлі на іншую працу.

У пазове гаворыцца, што хлопчык праяўляў агрэсію і дома, і ў школе. Яго перавялі ў іншую школу пасля таго, як ён стаў душыць настаўніка і зачапіў дзяўчынку на гульнявой пляцоўцы. Гэтай іншай школай стала тая, дзе працуе міс Цвернер.

Мінулай восенню бацькам загадалі быць з ім у школе цэлы дзень, пасля таго як ён аднойчы бегаў за вучнямі на гульнявой пляцоўцы з папругай.

Па словах бацькоў хлопчыка, стрэліў ён у настаўніцу ў самы першы тыдзень, калі бацькі перасталі прыходзіць з ім.

У пазове адзначаецца, што за два дні да стральбы хлопчык разбіў аб падлогу мабільны тэлефон спадарыні Цвернер. Калі іншыя настаўнікі адрэагавалі на гэты эпізод, ён іх аблаяў.

У абедзенны перапынак у дзень стральбы спадарыня Цвернер сказала спадарыні Паркер, тагачаснай намесніцы дырэктара, што дзіця ў агрэсіўным настроі.

«Пачуўшы гэту інфармацыю, памочніца дырэктара не адказала і нават не зірнула на пазоўніцу», — гаворыцца ў пазове.

Таксама вучні казалі супрацоўнікам школы, што ў хлопчыка быў пісталет, але спадарыня Паркер нібыта адмовілася дазволіць абшукаць яго пасля таго, як ніхто нічога не знайшоў падчас першапачатковага вобшуку. Праз некалькі гадзін хлопчык выпусціў адзіную кулю ў спадарыню Цвернер.

Сваякі дзіцяці звяртаюць увагу на тое, што ў яго вострая інваліднасць. У студзені яны гаварылі, што моляцца за хутчэйшае выздараўленне спадарыні Цвернер і супрацоўнічаюць з мясцовымі і федэральнымі праваахоўнымі органамі.

Спадарыня Цвернер патрабуе суда прысяжных і кампенсацыі шкоды, каб пераадолець посттраўматычнае стрэсавае расстройства, а таксама фізічны і душэўны боль.

Чытайце яшчэ:

У баранавіцкай школе настаўніца дала аплявуху вучню. Бацькі сталі на бок настаўніцы

У мінскай прыватнай школе адно дзіця стрэліла ў другое 

Гродзенцу не спадабалася гучная размова двух хлопцаў на вуліцы. Ён стрэліў з «пнеўматыкі» і трапіў аднаму ў вока 

Каментары3

  • Андрусь
    05.04.2023
    Нагуляўся ў кампютэрныя гульні, наглядзеўся дурных мульцікаў/фільмаў, і наеўся шкоднай ежы, вось і вынік.
  • Еак
    05.04.2023
    Давай чатыры мільярды прасі школка.
  • Ян Севярын Бакей
    06.04.2023
    я правільна расчытаў - 6-гадовы? не 16-ці?
    Ну то калі ён у 6 можа мабільнік настаўніцы патрушчыць і аблаяць тых, хто заўвагу робіць.а потым і стрэліць,  то ў 16 ён зможа лёгка ісьці інструктарам ў любую геспапападобную структуру любога еўрапейскага дыктатара, І прымуць з радасьцю - ім страляць ў настаўнікаў што бутлю бырла пад сялёдачку" на грудь прынять", асалода...

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Усе навіны →
Усе навіны

Яшчэ адна ахвяра непагадзі: у Магілёўскім раёне загінула 5-гадовая дзяўчынка

На беларуска-літоўскай мяжы упершыню за доўгі час з'явілася чарга з аўтобусаў1

Рыжанкоў: Беларусь гатова да дыялогу з Польшчай па сітуацыі на мяжы20

У залатой буцы на Еўра-2024 адразу некалькі ўладальнікаў

Як адрозніваюцца ўмовы працы для ІП у Беларусі і Літве? 1

Анёл Смерці. Гісторыя беларускі, якая паведамляе родным загінулых каліноўцаў пра іх гібель3

Аргенціна выйграла Кубак Амерыкі па футболе — і гэта таксама рэкорд

Як адразу пасля замаху на Трампа сацсеткі запоўнілі тэорыі змовы і пры чым тут Ілан Маск32

У Брэсце закансервуюць руіны 400-гадовага кляштара. Гэта адзінае збудаванне, што засталося ад гістарычнага Берасця4

больш чытаных навін
больш лайканых навін

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?16

Сілавікі просяць у беларусаў за мяжой паведаміць свой адрас ці выслаць дамову арэнды. Што вядома?

Галоўнае
Усе навіны →