За 2022 год беларусы прадалі нерэзідэнтам краіны аб'екты нерухомасці амаль на 184 млн даляраў. Гэта ў два разы больш, чым у 2021 годзе, паведамляе выданне banki24.by.
![](http://d3kcf2pe5t7rrb.cloudfront.net/img/w840d4webp1/photos/stock/54_20190911_fo2a5416_nn-czrfc.jpg.webp)
Максімальная актыўнасць іншаземцаў на беларускім рынку жылля раней назіралася ў 2013 і 2014 гадах. Аб'ём здзелак склаў тады адпаведна 187,7 млн і 221,4 млн даляраў.
Дакладных звестак пра грамадзянства цяперашніх пакупнікоў няма, але, як лічаць аналітыкі рынку, цікавасць да нерухомасці ў Беларусі павялічыўся ў расіян.
Найбольшую актыўнасць па скупцы нерухомасці нерэзідэнты Беларусі развілі ў 4-м квартале. За 3 месяцы іншаземцы набылі ў беларусаў жылля на 107,9 млн даляраў. Гэтая сума паравышае аб'ём пакупак, зафіксаваных за тры папярэднія кварталы (75,9 млн даляраў у эквіваленце). Пры гэтым у 4-м квартале папярэдняга года ніякай бурнай актыўнасці нерэзідэнтаў не адзначалася.
Каментары
Эта стрижка баранов (по этим рисованным ценам) была последней.