Нерухомасць

Крыніцы: «Газпрам трансгаз Беларусь» канчаткова прайграў сербам суд на $30 мільёнаў

Выглядае, што нарэшце скончана адна са шматлікіх драм, на якія аказаўся багаты працэс узвядзення «Газпрам-Цэнтра» на месцы аўтавакзала «Маскоўскі» ў Мінску. Сэнс гісторыі быў у тым, што амбіцыйная будоўля павінна была складацца з некалькіх немалых будынкаў, якія планавалася забяспечваць энергіяй з уласнага энергацэнтра. Яго павінна была ўзвесці кампанія «Энергапраект Апрэма». Сума кантракта складала 50 мільёнаў даляраў. 

Так выглядала будоўля зімой. З тае пары нічога не змянілася

Прыкладна на палову сумы сербы работы правялі, але потым будоўлю пачалі пераследаваць няўдачы: яна некалькі разоў спынялася, мяняліся праекты, потым «Газпрам трансгаз Беларусь» увогуле аднабакова разарваў кантракт і адмяніў авансавыя плацяжы. 

Сербы запатрабавалі кампенсацыю і пайшлі ў Стакгольмскі суд — аўтарытэт у пытанні вырашэнняў спрэчак паміж буйнымі кампаніямі розных краін. Яго звычайна прапісваюць у буйных кантрактах. 

Справу разглядалі з 2018 па 2019 год, у выніку суд стаў на бок сербаў. «Газпрам трансгаз Беларусь» не пагадзіўся з высновамі і падаў апеляцыю. 

«Прыйшло рашэнне, якое замацавала канчатковую перамогу сербаў. Трэба шукаць грошы, хоць нашы яшчэ спрабуюць надзімаць шчокі і думаюць, што бой працягваецца», — сказала «Нашай Ніве» абазнаная крыніца. 

«Да сумы позвы, выглядае, трэба будзе выплаціць і падатак на дадатковую вартасць за выкарыстанае падчас будаўніцтва абсталяванне, бо «Газпрам трансгаз Беларусь» быў вызвалены ад выплаты ПДВ на абсталяванне для будаўніцтва.

І ў ідэале кампанія павінна была афармляць яго на сябе і перадаць для мантажу сербам, але тыя самі завезлі на сваю «дачку», атрымаўшы толькі адтэрміноўку па сплаце ПДВ. А абсталявання там было троху больш чым на $20 мільёнаў», — дадае суразмоўца.

Разам з гэтым нявызначаны лёс самога комплексу на месцы аўтавакзала «Маскоўскі» — будаўніцтва там спынена. Беларускія ўлады пагражаюць выставіць «Газпрам трансгаз Беларусь» вялікую няўстойку за зрыў інвестыцыйнай дамовы, але пакуль што гэтага не зрабілі. На месцы будоўлі нічога не адбываецца. 

Каментары

Дар‘я Лосік выйшла на свабоду па памілаванні16

Дар‘я Лосік выйшла на свабоду па памілаванні

Усе навіны →
Усе навіны

Ілан Маск заявіў, што згубіў сына з-за блакатараў палавога выспявання23

У Францішка Скарыны ў Празе скралі пяро — гэта здарылася не ўпершыню3

Замежнікі пішуць у сацсетках, што збіраюцца ў Беларусь па бязвізе. А іх упрошваюць перадумаць11

Паўла Латушку выклікалі ў польскую пракуратуру2

Расійскі вайсковец, якога нібыта сёння ўзарвалі ў Маскве: Я жывы, сяджу на працы

Спевака — пастаяннага ўдзельніка афіцыйных канцэртаў — будуць судзіць за пратэсты1

Сярэдні заробак у чэрвені вырас на 50 рублёў, але наколькі ён адлюстроўвае рэальную сітуацыю?

Дзікавіцкі: Каманда «Белсата» амаль не мае ніякага ўплыву на сітуацыю3

Стрыжак тлумачыць, чаму супраць перамоваў з лукашэнкаўцамі і якая яго прапанова1

больш чытаных навін
больш лайканых навін

Дар‘я Лосік выйшла на свабоду па памілаванні16

Дар‘я Лосік выйшла на свабоду па памілаванні

Галоўнае
Усе навіны →