Парамедык беларускіх добраахвотнікаў Настасся «Север» Махамет заявіла, што да канца года пакіне полк Кастуся Каліноўскага.
«У мяне ёсць прычына больш тут не заставацца. Падрабязнасцяў не дадзены момант не будзе. Як гаворыцца, без каментароў», — паведаміла Настасся ў інстаграме.
«Нашай Ніве» камандзірка эвакуацыі батальёна «Волат» палка Каліноўскага ўдакладніла, што яе намер сысці «не звязаны са здароўем».
На пытанне, ці застанецца яна ў шэрагах добраахвотнікаў, ці сыдзе зусім, адказала, што гэтага не можа абмяркоўваць.
Настасся Махамет запісалася медыкам у тэрабарону на трэці дзень поўнамаштабнай агрэсіі Расіі супраць Украіны.
У сакавіку перайшла да беларускіх добраахвотнікаў, якім патрабаваўся лекар.
Спачатку ў каліноўцаў Настасся выконвала абавязкі тылавога медыка, а з сярэдзіны мая перайшла ў эвакуацыю. Дзяўчына вывозіць з перадавой параненых вайскоўцаў.
Сёлета Настассю параніла. Яна атрымала чэрапна-мазгавую траўму, калі побач з машынай, якою ехалі медыкі, узарваўся снарад.
Настасся ўзнагароджаная ордэнам «За мужнасць» 3-й ступені. Узнагароду атрымала з рук прэзідэнта Украіны Уладзіміра Зяленскага.
Парамедык мае таксама медаль БНР за баявыя заслугі.
Настасся лічыць самым непрыемным на фронце ўнутраныя разборкі. Самым жа прыемным: калі ваяры вяртаюцца з задання жывымі.
Самае страшнае, кажа яна — губляць людзей, а яшчэ цяжэй, калі іх лёс невядомы.
Настасся нарадзілася ў Івацэвічах. Яе бацька вайсковец. З 10 гадоў жыла ў Мінску. Яна выпускніца Барысаўскага медыцынскага каледжа і Беларускага дзяржаўнага медыцынскага ўніверсітэта.
Тры гады працавала ў мінскай радзільні № 1. Інтэрнатуру праходзіла ў Магілёўскім абласным анкалагічным дыспансеры. Цікавілася ваенна-палявой хірургіяй.
Была старшынёй студэнцкага незалежнага прафсаюза. Удзельнічала ў акцыях пратэсту 2020 года. У 2021 годзе праз Маскву выехала ў Кіеў.
Настасся напісала кнігу з гісторыямі ўдзельнікаў беларускага пратэсту «Дух свободы: Наследники партизан». Яе твор у вольным доступе. Дзяўчына даўно піша пад псеўданімам «Александр Верт».
«Наша Нiва» — бастыён беларушчыны
ПАДТРЫМАЦЬГлядзіце таксама:
Няволя, вайна і выгнанне раскрылі ў многіх беларусах суперздольнасці
Траўматолаг і каліновец расклалі па палічках «лепшую за натаўскую» аптэчку
«Гандаль людзьмі? Палітзняволеныя самі просяць, каб нехта іх ужо купіў». Маналог Яўгеніі Доўгай19
Каментары
Война идет уже два года и может идти еще бог знает сколько.
А у девушек есть естественные, природой определенные задачи в жизни.