Staršynia Nacbanka zahavaryła słovami svajho papiarednika Prakapoviča.
Pavodle Jermakovaj, u hetym hodzie nie varta čakać i istotnaj devalvacyi biełaruskaha rubla: «Rezkaj devalvacyi nie budzie, ale nie vyklučana płaŭnaja devalvacyja».
Razam z tym, Nadzieja Jermakova skazała, što «surjoznych źmienaŭ kursu nie budzie, u nas niama nieabchodnaści ŭ rezkaj devalvacyi».
Akramia taho, adznačyła jana, rezkaja devalvacyja supiarečyć płanam uładaŭ pa pavieličeńni zarobkaŭ u dalaravym ekvivalencie.
Staršynia praŭleńnia Nacbanku ličyć naturalnymi čutki pra mahčymuju devalvacyju biełaruskaha rubla z ulikam vopytu papiarednich hadoŭ: «Takija chvalavańni jość, heta naturalna. Było b dziŭna, kali takich čutak nie było», — skazała jana. Pry hetym Jermakova zajaviła: «Ja dumaju, abvału być nie pavinna».
Taksama Jermakova paviedamiła, što biełaruski bok vykonvaje pakazčyki, nieabchodnyja dla atrymańnia čaćviortaha tranšu kredytu Antykryzisnaha fondu JeŭrAzES:
«Da kanca hoda čaćviorty tranš pastupić. Va ŭsialakim vypadku, my ličym, što jon u nas budzie».Z ulikam hetaha tranšu płanujecca i ŭzrovień zołatavalutnych rezervaŭ na kaniec hodu 8,2 miljarda dalaraŭ, dadała Jermakova.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova15
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ2525
Kamientary