Apazicyja ŭchvaliła «Manifiest svabodnaj Rasiei» z patrabavańniem adstaŭki Pucina.
U Dzień Rasii apazicyja vyjšła na druhi Marš miljonaŭ. Arhkamitet Marša paviedamlaje, što na akcyju sabralisia da 50 tysiač čałaviek. Milicyja nazyvaje ličbu 18 tysiač udzielnikaŭ.
U kožnym razie, narod iznoŭ masava vyjšaŭ na vulicy Maskvy, kab skazać «nie» režymu Pucina.
Iznoŭ akcyja pratestu źjadnała apazicyju. Asobnymi kałonami, ale adnoj manifiestacyjaj iduć levyja i nacyjanalisty, libierały i prosta hramadzianie.
Levyja i nacyjanalisty padzialili bulvar z humaram: levyja zaniali levy bok, pravyja - pravy.
Udzielniki šeścia skandujuć: «Rasija budzie svabodnaj «.
Ludzi znoŭ prynieśli sotni samarobnych płakataŭ. Siarod udzielnikaŭ šeścia zaŭvažanyja muzyka Andrej Makarevič, kiraŭnik fondu «Horad biez narkotykaŭ» Jaŭhien Rojzman i lidar Isłamskaha kamiteta Rasii Hiejdar Džiemal.
Udzielnikaŭ šeścia prapuskali praz 52 mietaładetektary. Dla achovy paradku vyvieli 12 tysiač palicyjantaŭ.
Tym časam błohier Alaksiej Navalny, televiadučaja Ksienija Sabčak i adzin ź lidaraŭ apazicyjnaha ruchu «Salidarnaść» Illa Jašyn ŭ supravadžeńni advakataŭ źjavilisia na dopyt u Śledčy kamitet. Napiaredadni ŭ ich pieratreśli kvatery i ofisy. Pavodle infarmacyi śledčych, padčas pieratrusu na kvaterach u Sabčak i Jašyna skanfiskavali hrošy ŭ pamiery nie mienš za miljon jeŭra.
Dvajniki viadomych biełarusaŭ. I nie kažycie, što nie zadumvalisia pra ich padabienstva12
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ3030
Kamientary