Amal 95% pravieranych padatkapłatnikaŭ parušajuć zakanadaŭstva
Padatkovyja orhany Biełarusi za siem miesiacaŭ 2010 hoda vyjavili parušeńni padatkovaha zakanadaŭstva ŭ 94,4% pravieranych arhanizacyj, paviedamlajepres-centr Ministerstva pa padatkach i zborach.
Pavodle źviestak MPZ, za nazvany pieryjad padatkovymi orhanami było praviedziena 33.266 pravierak, u tym liku 24.311 pravierak subjektaŭ pradprymalnickaj dziejnaści (ź ich 10.356 pravierak arhanizacyj, 13.955 — indyvidualnych pradprymalnikaŭ).
Kolkaść pravieranych płacielščykaŭ — 31.304, u tym liku subjektaŭ pradprymalnickaj dziejnaści — 22.505 (ź ich 9.065 arhanizacyj, 13.440 indyvidualnych pradprymalnikaŭ).
Kolkaść płacielščykaŭ, u jakich ustanoŭleny parušeńni zakanadaŭstva, skłała 29.559 (94,4% da ahulnaj kolkaści pravieranych), u tym liku subjektaŭ pradprymalnickaj dziejnaści — 20.834 (92,6%), ź ich arhanizacyj — 8.326 (91,8%), indyvidualnych pradprymalnikaŭ — 12.508 (93,1%).
Pavodle vynikaŭ pravierak danaličana ŭ biudžet 143,1 młrd. rubloŭ, u tym liku pa subjektach pradprymalnickaj dziejnaści 135,8 młrd. rubloŭ (pa arhanizacyjach — 125,9 młrd., pa indyvidualnych pradprymalnikach — 9,9 młrd.).
Z danaličanych pavodle vynikaŭ pravierak sum padatkaŭ, pieniaŭ, administracyjnych štrafaŭ spahnana 125,5 młrd. rubloŭ, u tym liku pa subjektach pradprymalnickaj dziejnaści — 119,6 młrd.
U MPZ adznačajuć, što pravierki abhruntavanaści viartańnia padatku na dadadzieny košt, jakija pravodziacca na pastajannaj asnovie, dazvolili pakinuć u rasparadžeńni biudžetu 123,3 młrd. rubloŭ (u tym liku pry eksparcie tavaraŭ (rabot, pasłuh) u Rasijskuju Fiederacyju — 19,8 młrd. rubloŭ).
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary