Polšča anulavała 1 830 kartaŭ palaka, vydadzienych z pačatku dziejańnia zakona pa 15 kastryčnika 2024 hoda. Takija źviestki pryvodzić vydańnie Rzeczpospolita sa spasyłkaj na Ministerstva zamiežnych spraŭ krainy.
Pryčyny anulavańnia kartaŭ palaka — samyja roznyja. Tak, 4 čałavieki pazbavilisia dakumienta z-za «pavodzin, jakija źnievažajuć hodnaść Polščy ci palakaŭ», jašče 157 — za vykarystańnie falšyvych dakumientaŭ abo z pryčyn abarony, biaśpieki, achovy hramadskaha paradku, dziejańniaŭ na škodu suvierenitetu Polščy ci ŭdziełu ŭ parušeńniach pravoŭ čałavieka.
U toj ža čas 145 inšaziemcaŭ admovilisia ad karty, a ŭ 1 524 vypadkach była vydadziena novaja karta sa źmienienymi dadzienymi.
U toj ža čas 7 310 kartaŭ byli anulavanyja ŭ vyniku atrymańnia ich uładalnikami polskaha hramadzianstva abo dazvołu na pastajannaje pražyvańnie.
Usiaho, pavodle žanych Centralnaha rejestra vydadzienych i anulavanych kartaŭ palaka, jaki viadzie Ministerstva zamiežnych spraŭ, usiaho hety dakumient atrymali bolš za 206 000 zamiežnikaŭ.
U apošnija hady kolkaść zajaŭnikaŭ pavialičyłasia. Tolki sioleta bolš za 9,2 tysiačy kartaŭ byli vydadzienyja ŭ konsulstvach, jašče 3,5 tysiačy — padlašskim vajavodam, i 1,4 tysiačy — lublinskim vajavodam. Ahułam heta bolš za 15 000 kartaŭ.
U toj ža čas urad Polščy choča ŭskładnić mahčymaść atrymańnia polskaha hramadzianstva dla ŭładalnikaŭ karty palaka.
«Na praktycy pryznańnie polskim hramadzianinam pavinna zaležać ad paćviardžeńnia taho, što hety inšaziemiec intehravany ŭ polskaje hramadstva, u tym liku ad demanstracyi dastatkovaha viedańnia polskaj movy», — havorycca ŭ mihracyjnaj stratehii ŭrada Donalda Tuska.
«Padrobka archiŭnaj daviedki — 4500 jeŭra». Jak biełarusy šukajuć u siabie polskija karani i jak kuplajuć polskaje pachodžańnie
MZS Polščy choča źmianić kryteryi vydačy kartaŭ palaka
U Polščy źbirajucca pastrožyć umovy vydačy karty palaka. Nadta šmat złoŭžyvańniaŭ
Tusk choča pastrožyć mihracyjnuju palityku ŭ Polščy, ale aktyŭna pryciahvać pracoŭnyja resursy
«Ciabie b baćka praklaŭ»: Maci fihuranta «małočnaj spravy» prabiłasia na spatkańnie ź im, kab ślozna paprasić nie supracoŭničać sa śledstvam3
Kamientary