Hramadzianina Uźbiekistana padazrajuć u zabojstvie ŭ Maskvie hienierała Kiryłava
Jon nibyta byŭ zavierbavany ŭkrainskimi śpiecsłužbami.
«Zatrymany vykanaŭca zabojstva načalnika vojskaŭ RCHBZ Kiryłava — 29-hadovy hramadzianin Uźbiekistana», paviedamili ŭ FSB.
Zatrymany dastaŭleny da śledčaha, ź im pravodziacca śledčyja dziejańni. Padčas dopytu jon rastłumačyŭ, što byŭ nibyta zavierbavany ŭkrainskimi śpiecsłužbami, paviedamlaje telehram-kanał «Rańšie vsiech».
Nibyta pa ich zadańni jon prybyŭ u Maskvu i atrymaŭ samarobnaje vybuchovaje prystasavańnie.
Jon raźmiaściŭ jaho na elektrasamakacie, jaki pryparkavaŭ la padjezda žyłoha doma, dzie pražyvaŭ Ihar Kiryłaŭ. U metach nazirańnia za miescam pražyvańnia vajskoŭca im byŭ arandavany aŭtamabil karšerynhu, dzie jon pastaviŭ kamieru videanazirańnia.
Zdymka z hetaj kamiery tranślavałasia arhanizataram teraktu ŭ anłajn režymie ŭ horad Dniepr. Paśla taho jak pastupiŭ videasihnał ab vychadzie vajskoŭcaŭ z padjezda, vybuchovaje prystasavańnie było dystancyjna pryviedziena im u dziejańnie.
«Za ŭčynieńnie hetaha złačynstva vykanaŭcu nibyta harantavałasia hrašovaje ŭznaharodžańnie 100 tysiač dalaraŭ ZŠA i vyjezd u adnu ź jeŭrapiejskich krain dla pražyvańnia», havorycca ŭ paviedamleńni FSB.
Kamientary
Dieło jeŝie nie uśpieli zaviesti, a ono užie biełymi nitkami šito.. Ŝas jeŝie i bojevych komarov najdut na miestie vzryva... raša takaja raša..