Zialenski dapuściŭ, što paśla prezidenctva budzie znoŭ śmiašyć ludziej
Prezident Ukrainy Uładzimir Zialenski daŭ intervju francuzskamu vydańniu Le Parisien, u jakim siarod inšaha było zakranuta pytańnie jahonaj mahčymaj budučyni paśla zakančeńnia prezidenckich paŭnamoctvaŭ.
Žurnalist francuzskaha vydańnia adznačyŭ, što Zialenski niekali nabyŭ viadomaść tym, što śmiašyŭ ludziej, i spytaŭsia, ci nie dumaŭ toj, kab kaliści znoŭ pačać heta rabić.
«Składana adkazać, ščyra, nie viedaju. Ja dumaju, što heta zaležyć u cełym ad taho, jaki čałaviek unutry, i ja nie viedaju, tamu što hetaja vajna ŭpłyvaje na ŭsich nas. Kali ja nie straču taho, što było ŭnutry, to chto jaho viedaje, — moža być», — zajaviŭ palityk.
Taksama intervjujer pacikaviŭsia, što Zialenski zrabiŭ by pa-inšamu ŭ minułym, uličvajučy dośvied trochhadovaj poŭnamaštabnaj vajny, kali b viedaŭ pra ŭsio heta zahadzia. Toj adkazaŭ:
«Vielmi składana tak skazać. Vy viedajecie, nie ad nas zaležaŭ pačatak vajny. Na nas napali. Heta značyć, dakładna nie da mianie pytańnie. A pytańnie da tych, chto pačaŭ, raźviazaŭ vajnu. Ci možna było niešta zrabić inakš? Tak, 100%.
A što tyčycca mianie — štodnia ja prymaju rašeńni. Časam heta adzin, dva, try vypadki, a časam — dziasiatki rašeńniaŭ, i vielmi chutkich. Ja dumaju, što kali my zmahli vystajać, to bolšaść hetych rašeńniaŭ — pravilnyja, niapravilnyja, nie viedaju, — ale byli ŭdałymi, byli praduktyŭnymi. A častka hetych rašeńniaŭ dakładna była, skažam tak, nierezultatyŭnaja».
«U nas niama sił viarnuć ich». Zialenski — pra Krym i Danbas
Zialenski vyklučyŭ zamarozku vajny dla pieramovaŭ z Rasijaj paśla prychodu Trampa da ŭłady
«Aniekdot!». Zialenski vykazaŭ usio, što dumaje pra pasiarednictva Orbana
Zialenski kazaŭ pra biaśpieku, a Tramp — pra nieadkładnaje spynieńnie ahniu. Detali sustrečy ŭ Paryžy
«Ciabie b baćka praklaŭ»: Maci fihuranta «małočnaj spravy» prabiłasia na spatkańnie ź im, kab ślozna paprasić nie supracoŭničać sa śledstvam3
Kamientary