U Kitai mužčyna ledź nie pamior, dapamahajučy synu z chatnim zadańniem
U pravincyi Čžeczian na ŭschodzie Kitaja mužčyna adčuŭ ciažkaści ŭ dychańni i bol u hrudziach, kali dapamahaŭ synu rabić chatniaje zadańnie. Pra heta paviedamlaje South China Morning Post.
Mužčyna va ŭzroście kala 40 hadoŭ časta kantralavaŭ vučobu dziciaci i pravodziŭ dadatkovyja zaniatki, kab chłopčyk moh lepš zasvoić materyjał. U adzin ź viečaroŭ baćka dapamahaŭ synu z padrychtoŭkaj da ŭstupnych ispytaŭ u starejšuju škołu. Adnak niečakana jamu stała drenna.
Mužčynu ekstranna dastavili ŭ balnicu. Akazałasia, što ŭ jaho zdaryŭsia vostry infarkt mijakarda. Sardečny prystup byŭ vyklikany zaŭčasnaj išemičnaj chvarobaj serca. Pry hetym dyjahnazie arhanizm ciažka pieranosić luby emacyjny stres. Paviedamlajecca, što adnosiny pamiž baćkam i padletkam byli napružanymi.
Lekar pravioŭ ekstrannuju apieracyju pa šuntavańni arteryj. Dziakujučy miedycynskamu ŭmiašańniu mužčyna zastaŭsia žyvy.
Adznačajecca, što heta nie pieršy padobny vypadak u Kitai. U 2018-m 33-hadovaja žančyna pieraniesła insult paśla niervovaha zryvu, jaki zdaryŭsia praz toje, što jaje dačka zanadta zasiedziełasia za ŭrokami pierad snom.
Mužčyna ŭ Kitai zastrachavaŭ žonku na vialikuju sumu i zabiŭ jaje, kab atrymać kampiensacyju i raźličycca z prastytutkami
U Kitai za machlarstvy ź lekami ad raku aryštavali kiraŭnika AstraZeneca
Praz 70 hadoŭ nasielnictva Kitaja moža skaracicca ŭdvaja. Jak palityka adnaho dziciaci traŭmavała miljony žančyn
Kamientary