Prapahandysty elehantna abvierhli «fejk» ab nizkim zarobku žyviołavoda
Žyviołavod sa Žłobina ŭ tyktoku pakazała raźlikoŭku. Videa ŭziaŭsia abviarhać novy prapahandyscki kanał.
U raźlikoŭcy, što pakazała dziaŭčyna, havorycca, što žyviołavod za 25 pracoŭnych dzion atrymaŭ faktyčna minimalnuju zarpłatu — 500 rubloŭ.
Rolik apublikavaŭ telehram-kanał «Biełaruś za MKADam». Abviarhać paviedamleńnie ŭziaŭsia novy praŭładny kanał «Narodny antyfejk», jaki abiacaje «raźvienčvać mify, ukidvańni, fejki i dezy».
Na hety raz, uziaŭšysia abviarhać «fejk» ab nizkich zarobkach žyviołavodaŭ, kanał pakazaŭ, što situacyja jašče horšaja.
Aŭtar pasta pryznaŭ, što ŭ videa pakazany realny raźlikovy list za vierasień 2024 hoda. Adnak jon, pa jaho słovach, naležyć nie dziaŭčynie, a žyviołavodu pradpryjemstva «Stepy». «Antyfejk» śćviardžaje, što zarobak u mužčyny ździelny i raźličvajecca za prybaŭleńnie žyvioły ŭ vazie. Paviedamlajecca, što ŭ vieraśni žyvioła prybaŭleńnia ŭ vazie nie pakazała, tamu rabotniku naličyli minimalnuju zarpłatu — 437 rubloŭ.
Ale akazałasia, što navat hetych hrošaj žyviołavod nie atrymaŭ.
«Taksama zrobleny ŭtrymańni: 150,93 rub. za vydaču miasapraduktaŭ; 210,93 rub. — štomiesiačny vylik za dapuščany padziož bydła z traŭnia 2023 pa červień 2024 h.; padatki, prafuznosy, piensijny fond. Da vydačy: 277,75 rub.», — piša prapahandyscki kanał.
Takim čynam, žyviołavod za poŭny pracoŭny miesiac atrymaŭ 277,75 rubla — heta mienš za 100 dołaraŭ. To-bok, situacyja z zarobkam hetaha supracoŭnika kudy horšaja, čym raspaviała dziaŭčyna ŭ videa, jakoje prapahandysty «paśpiachova abvierhli».
-
Ad 11 da 25-ci. Skončyŭsia sud nad ukraincam i dvuma biełarusami, zatrymanymi pa spravie ab «padrychtoŭcy teraktaŭ»
-
«Ciabie b baćka praklaŭ»: u Barysavie šyrycca sapraŭdnaja pryčyna maŭčańnia Hienadzia Skitava, centralnaj fihury «małočnaj spravy»
-
«Naviavaje splin i abureńnie». Biełarus naviedaŭ Navahrudak i rasčaravaŭsia — horad zapuščany, a servis nie raźvity
«Ciabie b baćka praklaŭ»: u Barysavie šyrycca sapraŭdnaja pryčyna maŭčańnia Hienadzia Skitava, centralnaj fihury «małočnaj spravy»2
Kamientary
słovo100, potomu užie 500, 750 i dažie 1000 dołłarov.