U punkcie propusku «Brest» u mikraaŭtobusie hramadzianina Biełarusi mytniki vyjavili 95 niezadekłaravanych kašalkoŭ dla kryptavaluty. Jany byli schavanyja ŭ aŭtamabili.
Elektronnyja pryłady dla zachoŭvańnia klučoŭ dostupu da akaŭntaŭ na kryptavalutnych biržach mytniki acanili ŭ 44 tysiačy rubloŭ, paviedamlaje Mytny kamitet.
Jany kanfiskavanyja, jak i aŭtamabil, na jakim jany pieravozilisia.
Sam kiroŭca (jon jechaŭ praź zialony kanał) rastłumačyŭ, što kryptakašalki jaho paprasili pravieźci ŭ Biełaruś nieznajomyja ludzi.
U Biełarusi z 20 vieraśnia zapracavaŭ ukaz «Ab zvarocie ličbavych znakaŭ (tokienaŭ)», jaki zabaraniaje fizičnym asobam kuplać i pradavać kryptavalutu pa-za biełaruskimi kryptabiržami abo kryptaabmieńnikami.
Kamientary
A tak, kaniešnie, ideja chałodnaha hamanca dosyć biazhłuzdaja, nie raźbiraćmu tut čamu