Alaksiej Maskaloŭ, baćka školnicy Mašy, jakaja namalavała antyvajenny malunak, vyjšaŭ na volu z kałonii ŭ Navamaskoŭsku Tulskaj vobłaści.
La varotaŭ jaho čakała dačka, jakaja, niahledziačy na rasstańnie i ciažkija abstaviny, pryjšła padtrymać baćku. Hetaja padzieja pryciahnuła da siabie niamała žurnalistaŭ, jakija aśviatlali historyju Maskalovych ad samaha pačatku, paviedamlaje Rasijskaja słužba Radyjo Svaboda.
Maskaloŭ staŭ viadomym paśla taho, jak jaho 13-hadovaja dačka ŭ 2022 hodzie namalavała ŭ škole malunak z antyvajennaj tematykaj. Na im była žančyna z ukrainskim ściaham, jakaja abaraniaje dzicia ad rakiet, što vyklikała rezanans. Dyrektar škoły, vidać, paličyŭ heta parušeńniem i źviarnuŭsia ŭ palicyju. Nieŭzabavie ŭ kvatery Maskalovych praviali vobšuk, paśla jakoha pačalisia prablemy z pravaachoŭnymi orhanami.
Alaksieja Maskalova abvinavacili ŭ dyskredytacyi rasijskaj armii, a paśla aryštu Mašu adpravili ŭ prytułak. Paźniej jaje pieradali maci, jakaja daŭno nie žyła ź siamjoj i nie zajmałasia vychavańniem dziaŭčynki.
Maskalova prysudzili da dvuch hadoŭ kałonii, ale na abviaščeńnie prysudu jon nie pryjšoŭ, źbiehšy z-pad chatniaha aryštu. Na nastupny dzień mužčynu zatrymali ŭ Biełarusi i źbili.
-
Ad 11 da 25-ci. Skončyŭsia sud nad ukraincam i dvuma biełarusami, zatrymanymi pa spravie ab «padrychtoŭcy teraktaŭ»
-
«Ciabie b baćka praklaŭ»: u Barysavie šyrycca sapraŭdnaja pryčyna maŭčańnia Hienadzia Skitava, centralnaj fihury «małočnaj spravy»
-
«Naviavaje splin i abureńnie». Biełarus naviedaŭ Navahrudak i rasčaravaŭsia — horad zapuščany, a servis nie raźvity
«Ciabie b baćka praklaŭ»: u Barysavie šyrycca sapraŭdnaja pryčyna maŭčańnia Hienadzia Skitava, centralnaj fihury «małočnaj spravy»2
Kamientary