U Biełarusi źmianili pałažeńnie ab paradku prachodžańnia vajskovych i śpiecyjalnych zboraŭ, a taksama pałažeńnie ab paradku afarmleńnia pastajannaha pražyvańnia za miežami krainy. Adpaviednaja pastanova ŭrada apublikavanaja 15 kastryčnika na Nacyjanalnym pravavym internet-partale, źviarnuła ŭvahu «Lusterka».
Ciapier vajennaabaviazanym, jakija pryzyvajucca na vajskovyja i śpiecyjalnyja zbory, treba paviedamić pra heta nie paźniej čym za siem dzion da ich pačatku. Raniej hety termin składaŭ dziesiać dzion.
«Vajennaabaviazanym, adabranym dla prachodžańnia zboraŭ, nie paźniej čym za siem dzion da ich pačatku ŭručajucca pozvy z ukazańniem terminaŭ jaŭki ŭ vajenny kamisaryjat, UKDB pa vobłaści», — tak ciapier pavinna vyhladać častka P.17 źmienienaha pałažeńnia.
U dakumiencie ab paradku afarmleńnia pastajannaha pražyvańnia za miežami Biełarusi źmienieny ŭzrost, ź jakoha «ažyćciaŭlajecca pravierka najaŭnaści albo adsutnaści abaviazkaŭ». Kali raniej Zhoda vajenkamata patrabavałasia dla chłopcaŭ, jakim «spaŭniajecca 16 hadoŭ u kalandarnym hodzie mierkavanaj daty vyniasieńnia rašeńnia zamiežnaj ustanovy ab afarmleńni pastajannaha pražyvańnia za miežami Respubliki Biełaruś», to ciapier hety ŭzrost padniali da 17 hadoŭ.
Jaŭhien Bury z ABBA raskazaŭ, kolki jaho biznes-asacyjacyja atrymała ad Jeŭrasajuza i na što patraciła18
Kamientary