Da kanca hoda minskuju sietku viełaściežak pavialičać na 21 km
U Minsku płanujecca značnaje pašyreńnie sietki viełaściežak: da kanca biahučaha hoda budzie arhanizavana zvyš 21 km novych učastkaŭ. Pra heta paviedamiŭ načalnik Hałoŭnaha ŭpraŭleńnia sportu i turyzmu Minharvykankama Maksim Varapaj na pasiadžeńni haradskoj kamisii pa zabieśpiačeńni biaśpieki darožnaha ruchu, pišuć «Minsk-Naviny».
Z ahulnaj kolkaści viełaściežak paśla hetaha 27 km buduć mahistralnymi, 2,1 km — na prajeznaj častcy, a zvyš 264 km — adasoblenymi i sumieščanymi.
Varapaj taksama adznačyŭ, što ŭ ramkach płana pa ŭładkavańni viełasipiednych ściežak na 2025-2030 hady ŭ Minsku pavinna być stvorana da 380 km asnoŭnych viełasipiednych šlachoŭ.
Siarod zapłanavanych rabot — budaŭnictva viełaściežki praciahłaściu 1190 m i šyrynioj 2,5—3 m uzdoŭž bulvara na vulicy Hamarnika, a taksama viełaściežki daŭžynioj 19 km uzdoŭž kanała Ślapianskaj vodnaj sistemy.
Akramia taho, u płan uklučanyja ŭčastki dla arhanizacyi viełaściežak na tratuarach u roznych rajonach horada.
Abśledavańnie vulic dla ŭładkavańnia novych viełaściežak zavieršycca da 1 lutaha 2025 hoda, paśla čaho buduć vyznačanyja miescy i terminy realizacyi prajekta.
Kamientary
Sami čytali, što pierakłali? Ja razumieju, što Minsk-Naviny pišuć łuchtu, nu a Naša Niva heta ich padraździaleńnie ci jak?