Kiroŭnaja partyja Hruzii vykarystoŭvaje fota razburanych ukrainskich haradoŭ dla pieradvybarčaj rekłamy
«Hruzinskaja mara» śćviardžaje, što bieź jaje kraina budzie vajavać z Rasijaj.
Kiroŭnaja partyja «Hruzinskaja mara» ŭ pieradvybarčaj ahitacyi vykarystoŭvaje fota i videa razburanych rasijanami ŭkrainskich haradoŭ.
Novyja pieradvybarčyja baniery źjavilisia ŭ hruzinskich haradach, uklučajučy Tbilisi. Na płakatach ź levaha boku namalavanyja razburanyja harady Ukrainy, u tym liku Maryupal, z nadpisam «Nie vajnie!», piša «Echo Kaŭkaza».
Z pravaha boku baneraŭ — abjekty, pabudavanyja i adnoŭlenyja miljarderam Bidzina Ivanišvili z «Hruzinskaj mary», a taksama vid na načny Batumi z nadpisam «Vybiery mir». Na płakatach taksama pierakreślenyja pieradvybarnyja numary čatyroch bujnych apazicyjnych partyj i abjadnańniaŭ.
Taksama ŭ sietcy raspaŭsiudžvajecca pieradvybarčy rolik Hruzinskaj mary z tym ža źmiestam.
U partyi «Hruzinskaja mara» paćvierdzili, što baniery — častka ich pieradvybarčaj kampanii, meta jakoj — nahadać nasielnictvu,»kudy viadzie krainu apazicyja». Košt raźmiaščeńnia baneraŭ nie raskryvajecca.
Adzin z hałoŭnych naratyvaŭ, jaki prasoŭvaje «Hruzinskaja mara» ŭ pieradvybarnaj kampanii, zaklučajecca ŭ tym, što, u vypadku jaje parazy, u Hruzii pačniecca vajna.
Parłamienckija vybary ŭ Hruzii projduć 26 kastryčnika.
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary
U čym vyhada, cap?