Zialenski raspavioŭ Hienasamblei AAN, jakoha «realnaha miru» choča Ukraina
Prezident Uładzimir Zialenski ŭ čas vystupleńnia na Hienasamblei AAN u Ńju-Jorku nastojvaŭ na spraviadlivym miry va Ukrainie ŭ adpaviednaści ź jaho «formułaj miru», piša «Jeŭrapiejskaja praŭda».
U svajoj pramovie Zialenski vykłaŭ asnoŭnyja punkty taho, jakim jon bačyć dasiahnieńnie miru.
«My pavinny adnavić jadziernuju biaśpieku, vykarystańnie enierhii jak zbroi pavinna spynicca, my pavinny harantavać charčovuju biaśpieku, my pavinny viarnuć dadomu ŭsich našych zachoplenych sałdat i hramadzianskich, vierahodna, departavanych u Rasiju. My pavinny vykonvać Statut AAN i harantavać naša prava, prava Ukrainy na terytaryjalnuju cełasnaść i suvierenitet, tak, jak my heta robim dla kožnaj inšaj dziaržavy», — skazaŭ Zialenski.
«My pavinny vyvieści rasijskija akupacyjnyja vojski, što pakładzie kaniec bajavym dziejańniam va Ukrainie. My pavinny pryciahnuć vinavatych u vajennych złačynstvach da adkaznaści… My nie pavinny dapuścić druhoha ci padobnaha da hetaha rasijskaha ŭvarvańnia.
My pavinny dakładna dać zrazumieć: vajna skončyłasia. Heta — «formuła miru». Jakaja ź jaje častak moža być nieprymalnaj dla luboha, chto prytrymlivajecca Statuta AAN?» — dadaŭ kiraŭnik dziaržavy.
-
Aktyvist fondu Tałaja pachvaliŭsia, što finansava damahaje rasijskaj armii i robić uniosak u «ahulnuju pieramohu»
-
«Prymusić Rasiju da miru niemahčyma». Piaskoŭ — pra vystup Zialenskaha ŭ Radzie Biaśpieki AAN
-
Minabarony Brytanii: U apošnija miesiacy Rasija niesła samyja vialikija štodzionnyja straty z pačatku vajny
Kamientary