U Minsku inšaziemca prysudzili da 12 hadoŭ pazbaŭleńnia voli za zamach na zabojstva
Sud Pieršamajskaha rajona Minska prysudziŭ nielehalnaha mihranta da 12 hadoŭ pazbaŭleńnia voli. Pavodle infarmacyi prakuratury Minska, jaho pryznali vinavatym pavodle č. 1 art.14, č. 1 art. 139 (zamach na zabojstva) i č. 1 art. 366 (hvałt albo pahroza ŭ dačynieńni da słužbovaj asoby, jakaja vykonvaje słužbovyja abaviazki, ci inšaj asoby, jakaja vykonvaje hramadski abaviazak) Kryminalnaha kodeksa.
Zhodna z materyjałami spravy, abvinavačany padčas «raptoŭna uźnikłaha kanfliktu z paciarpiełym» nanios jamu «nie mienš za 12 udaraŭ nažom u vobłaść piaredniaj brušnoj ścienki, pravaha plača, levaj kiści, piaredniaj i zadniaj pavierchniaŭ hrudnoj kletki i levaj pajaśničnaj vobłaści», a taksama «nie mienš za 10 udaraŭ hałavoj, rukami i nahami pa hałavie, tułavie, vierchnich i nižnich kaniečnaściach paciarpiełaha».
Paciarpiełamu ŭdałosia źbiehčy praz akno, paśla jamu svoječasova akazali miedycynskuju dapamohu. Na miescy zdareńnia, akramia abvinavačanaha, było zatrymana bolš za 20 nielehalnych mihrantaŭ.
Inšych padrabiaznaściaŭ spravy prakuratura nie pryvodzić.
Kamientary