Z-za zajavaŭ Łukašenki ŭ MZS Kazachstana vyklikali ambasadara Biełarusi
Pasła Biełarusi Paŭła Uciupina zaprasili ŭ ministerstva zamiežnych spraŭ Kazachstana i rastłumačyli efiektyŭnaść źniešniepalityčnaha kursu prezidenta Kasym-Žamarta Takajeva, paviedamlaje pres-słužba MZS Kazachstana.
U chodzie sustrečy ministra zamiežnych spraŭ Kazachstana Murata Nurtleŭ z pasłom Biełarusi Paŭłam Uciupinym «byli abmierkavany aktualnyja pytańni kazachska-biełaruskaha supracoŭnictva jak na dvuchbakovym uzroŭni, tak i ŭ ramkach šmatbakovych arhanizacyj».
U pryvatnaści, ministr padkreśliŭ, što Kazachstan pravodzić zbałansavanuju i mirnuju źniešniuju palityku ŭ adpaviednaści sa Statutam AAN i normami mižnarodnaha prava, a ŭsie roznahałośsi pamiž dziaržavami pavinny vyrašacca palityka-dypłamatyčnymi srodkami.
«U ciapierašnich hieapalityčnych umovach vypracavany kiraŭnikom dziaržavy źniešniepalityčny kurs krainy dakazaŭ svaju efiektyŭnaść. U suviazi z hetym ministr zaklikaŭ biełaruski bok da nieabchodnaści abjektyŭna aceńvać pazicyju Astany ŭ dačynieńni da pracesaŭ, jakija adbyvajucca», — piša pres-słužba MZS Kazachstana.
Raniej u intervju rasijskim prapahandystam Alaksandr Łukašenka zajaviŭ, što niekatoryja krainy postsavieckaj prastory «ad Rasii chočuć niešta ŭziać, a ŭzamien ničoha nie dać», zhadaŭšy Kazachstan.
Kazachstan dystancyjavaŭsia ad Rasii paśla ŭvarvańnia jaje va Ukrainu, što vyklikała razdražnionuju reakcyju Maskvy i Minska, u jakich, adnak, ruki pakul źviazanyja Ukrainaj.
Taksama siońnia pasolstva Biełarusi ŭ Armienii zakidali jajkami i pamidorami z-za zajavaŭ Łukašenki. «Kamu armianie patrebnyja, akramia nas? Nikomu. Jany nikomu nie patrebnyja. Chaj raźvivajuć svaju ekanomiku i zasiarodziacca na tym, što ŭ ich jość. Jakaja Francyja, jaki Makron? Zaŭtra Makrona nie budzie, i ŭsie zabuduć pra hetuju Armieniju», — kazaŭ jon rasijskamu prapahandystu Jaŭhienu Papovu.
-
«Patuhi, vałtuźnia i brudnyja mietady». Ryžankoŭ zajaviŭ, što Minsk spakojna hladzić na zvarot Litvy ŭ sud u Haazie
-
Žycharka Pinščyny paskardziłasia, što były muž nie płacić alimienty na troch dziaciej. Akazałasia, dvoje ź ich nie jaho
-
U Hrodnie chirurhi vyratavali 98-hadovuju pacyjentku, vykanaŭšy joj składanuju apieracyju
Hajdukievič paraiŭ biełarusam, jakija nie ździajśniali złačynstvaŭ, «adsiedzieć i žyć dalej»19
Kamientary