Pra vyniki respublikanskaha sacyjałahičnaha apytańnia, praviedzienaha ŭ lipieni 2024 hoda Centram sacyjalna-humanitarnych daśledavańniaŭ BDEU, piša BiełTA.
Zhodna z sacdaśledavańniem, vierać u Boha 55,6% respandentaŭ. Nie zmahli adkazać na hetaje pytańnie adnaznačna 24,3% respandentaŭ. Vierać u zvyšnaturalnyja siły 6,6% apytanych. Nie ličać siabie viernikami 12,4% apytanych.
Na pytańnie «Relihija dla vas — heta pierš za ŭsio…» 27,5% respandentaŭ adkazali «sposab znosin z Boham, vyšejšymi siłami».
Adkaz «suciašeńnie ŭ ciažkuju chvilinu» dali 25,5% apytanych.
Relihiju spadčynaj prodkaŭ, tradycyjami, jakija dapamahajuć padtrymlivać suviaź z rodnaj kulturaj, ličać 24,2%.
Tym, što abjadnoŭvaje ludziej, ličać relihiju 20% apytanych, sposabam razumieńnia śvietu, krynicaj adkazaŭ na pytańni ab sensie žyćcia — 14,6%, krynicaj maralnych aryjenciraŭ — 13,9%.
Ličać, što relihija — pieražytak zababonaŭ, stereatypaŭ, mifičnych ujaŭleńniaŭ ab śviecie — 7,7% respandentaŭ, tym, što raźjadnoŭvaje hramadstva, — 2,1%.
Bolšaść z apytanych — 73% — ličać siabie pravasłaŭnymi, 9,5% — katalikami, pratestantami — 0,7%. Da musulmanaŭ siabie adnosiać 0,3%, da iŭdziejaŭ — 2,2%.
Ni da jakoj relihii siabie nie adnosiać 14,3% apytanych.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary
Ili užie vsie vyjechali?!