«Raptam nie pryjšoŭ na pracu, a praz paru dzion jaho zatrymali». Novyja padrabiaznaści pra niemca, prysudžanaha da rasstrełu ŭ Biełarusi
Niamieckaje vydańnie Tagesspiegel parazmaŭlała z byłymi kalehami Ryka Kryhiera, kab razabracca ŭ chodzie padziej.
Ryka Kryhier byŭ fielčaram niamieckaha Čyrvonaha kryža ź leta 2021-ha.
«Jon raspaviadaŭ šmat šalonych historyjaŭ, u jakich nikoli nie było zrazumieła, ci praŭda heta», — raskazaŭ jahony były kaleha. Kaleha raskazaŭ vydańniu, što Kryhier spadziavaŭsia atrymać hryn-kartu i pajechać u ZŠA, kab adkryć tam ułasny biznes. Spadziavaŭsia, što dapamoža byłaja praca achoŭnikam u słužbie Dziarždepa ZŠA.
Kalehi platkarać, što padčas pracy ŭ Čyrvonym kryžy Kryhier paznajomiŭsia ź niejkim ukraincam, jaki ŭhavaryŭ jaho pajechać va Ukrainu.
«My mierkavali, što jon pajedzie tudy jak paramiedyk», — kažuć kalehi. Jany nie čakali, što jon źniknie raptoŭna, ale ŭ pačatku kastryčnika 2023 hoda Kryhier prosta nie pryjšoŭ na pracu, nie viarnuŭšy navat formu. A praź niekalki dzion svajaki paviedamili, što jon pad vartaj u Biełarusi.
Vydańnie adznačaje, što niezrazumieła, jakim mienavita čynam jon apynuŭsia ŭ Biełarusi. Aficyjnyja orhany Hiermanii pakul ničoha nie tłumačać.
Jak piša Tagesspiegel, paśla Kryhiera ŭ Rasii asudzili amierykanskaha žurnalista Evana Hierškaviča da 16 hadoŭ kałonii, u toj ža čas atrymała šeść z pałovaj hadoŭ žurnalistka Radyjo Svaboda Ałsu Kurmašava. Jany vykazvajuć zdahadku, što ŭsie hetyja padziei — heta hibrydnaja ataka Rasii i Biełarusi, kab schilić Zachad da niejkich dziejańniaŭ.
Vykazvajecca zdahadka, što Kryhiera mohuć pasprabavać abmianiać na Vadzima Krasikava, jaki zastreliŭ u Bierlinie čačenskaha palavoha kamandzira Zielimchana Chanhašvili. Krasikaŭ adbyvaje pažyćciovaje pakarańnie.
«Naša Niva» — bastyjon biełaruščyny
PADTRYMAĆAkramia niemca Kryhiera, da śmiarotnaha pakarańnia ŭ postsavieckaj Biełarusi prysudzili jašče 12 inšaziemcaŭ. Ale jość niuansy
Padrabiaznaści teraktu Kryhiera pad Aziaryščam — razburanyja špały i nivodnaha paranienaha
Što viadoma pra hramadzianina Hiermanii Ryka Kryhiera, jakomu ŭ Biełarusi prysudzili rasstreł
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary8
Kamientary