Afiora na 3 młrd: Nestlé hadami pradavała vadu z krynic ź fiekalijami i bakteryjami pad vyhladam pryrodnaj minieralnaj
Kampanija pradała miljardy butelek vady, vykarystoŭvajučy zabaronienyja mietady ačystki i uvodziačy ŭ zman pakupnikoŭ.
Kampanija Nestlé z 2005 hoda pradała bolš za 18 miljardaŭ butelek vady pad brendami Contrex, Hépar abo Vittel, jakaść jakoj było ekvivalentnaja jakaści vadapravodnaj vady pa canie ŭ sto razoŭ vyšej.
Pra heta stała viadoma daśledčaj płatformie Mediapart, piša lavenir.net.
U listapadzie 2020 hoda adzin z supracoŭnikaŭ hrupy Alma, jakaja vypuskaje vadu Cristaline, paviedamiŭ francuzskim uładam, što ačystka vady, jakuju pradajuć pad vyhladam pryrodnaj minieralnaj, nie adpaviadaje standartam.
Pieršapačatkovaje rasśledavańnie pakazała, što 30% brendaŭ vady ŭ Francyi, u tym liku ad Nestlé, pradajuć vadu jakaści nie vyšejšaj za vadapravodnuju, adnak pa canie pryrodnaj minieralnaj. Pryčym ačyščali vadu z vykarystańniem sumiesiaŭ i minierałaŭ, zabaronienych uładami.
Pa vynikach pravierak kampanii Nestlé stała viadoma, što mnohija krynicy vady zabrudžanyja fiekalijami, niebiaśpiečnymi bakteryjami i piestycydami — zaražeńnie ŭ asobnych vypadkach pieravyšaje normu na 85%.
Śledčyja francuzskaj prakuratury ličać, što havorka idzie nie pra chałatnaść, a pra śviadomuju stratehiju kampanii — heta značyć machlarstva. Pavodle papiarednich padlikaŭ, Nestlé zarabiła na prodažy fejkavaj pryrodnaj vady bolš za 3 miljardy jeŭra.
Pry hetym pa zakonie, kali vina kampanii budzie dakazanaja, joj pahražaje štraf maksimum u 20 miljonaŭ. Akramia taho, słužbovyja asoby mohuć atrymać realny termin da troch hadoŭ. Hramadskija arhanizacyi, jakija zajmajucca kantrolem jakaści praduktaŭ, patrabujuć ad francuzskich uładaŭ pravieści prazrystaje rasśledavańnie i pakarać vinavatych.
Škodu, naniesienuju pryrodzie, a taksama zdaroŭju spažyŭcoŭ vady nizkaj jakaści, jašče naležyć vyśvietlić.
Vialikaja hutarka z Alinaj Koŭšyk — pra intervju z Padsasonnym, skandał z Kulejem i reformy na «Biełsacie»17
Kamientary