«25 litraŭ za 2 hadziny». Hrybnyja trafiei ź lasoŭ stali bolš raznastajnymi
Paśla červieńskaha hrybnaha ažyjatažu ŭ Biełaruś pryjšła ŭstojlivaja zasucha, jakaja litaralna spapialiła hrybnicy. Paśla mocnych daždžoŭ «cichija palaŭničyja» čakali źjaŭleńnia hryboŭ, adnak niekalki tydniaŭ źbirać štości, akramia lisičak, nijak nie ŭdavałasia. Vydańnie Telegraf.news pahladzieła, čym vychvalajucca hrybniki ŭ sacyjalnych sietkach ciapier.
![](http://d3kcf2pe5t7rrb.cloudfront.net/img/w840d4webp1/photos/stock/orange_cap_boletus-fklbp.jpg.webp)
U hałoŭnym pabliku hrybnikoŭ Biełarusi ŭ VK fotaspravazdačy z uradžajami ź lesu publikujucca štodnia. U pačatku lipienia znajści ŭ lesie niešta, akramia lisičak, doŭha nie ŭdavałasia. Šmathadzinnyja pachody časta zakančvalisia tolki poŭnymi košykami hetych hryboŭ.
Čyrvonahałoviki, padbiarozaviki i najbolš žadanyja baraviki sustrakalisia redka i čaściakom maleńkaha pamieru, što śviedčyła pra toje, što hrybnicam treba bolš času dla adnaŭleńnia.
Ciapier hrybniki pa-raniejšamu źbirajuć šmat lisičak, jakimi praciahvajuć vychvalacca. Niekatoryja pačali znachodzić navat asobnyja ekzemplary čornych lisičak, aktyŭny rost jakich zvyčajna prypadaje na žnivień-vierasień.
![](http://d3kcf2pe5t7rrb.cloudfront.net/img/w732d4webp1/photos/z_2024_07/photomix-image-89-ccwoh.jpeg.webp)
«Mazyrski rajon. Pieršy vyjezd paśla anamalnaj śpiakoty i nastupnaha ŭrahanu. Akramia lisičak ničoha niama, ale lisičak vielmi šmat», — napisaŭ adzin ź biełarusaŭ u pabliku pra stanovišča ŭ lesie pad Mazyrom pa stanie na 20 lipienia.
![](http://d3kcf2pe5t7rrb.cloudfront.net/img/w732d4webp1/photos/z_2024_07/583f4da8-9f9b-45d0-8006-d1b21f96046b-ucqk0.jpg.webp)
«25 litraŭ u dva nažy za dźvie hadziny», — koratka reziumavaŭ jašče adzin hrybnik z-pad Barysava.
Adnak mnohija «cichija palaŭničyja» adznačyli pašyreńnie raznastajnaści hryboŭ, jakija ciapier možna znajści ŭ lesie.
![](http://d3kcf2pe5t7rrb.cloudfront.net/img/w732d4webp1/photos/z_2024_07/photomix-image-91-es3c6.jpeg.webp)
«Usio bolš čyrvonahałovikaŭ i lisičak. Nadvorje robicca kamfortniejšym i les dosyć vilhotny. Čakajem sapraŭdnaj hrybnoj chvali», — raskazała pra svaje znachodki hrybnica ź Minskaj vobłaści.
Videa z sabranym uradžajem 19 lipienia z Telegraf.news padzialiŭsia i prafiesijny hrybnik Alaksandr Harbacevič.
Pavodle jaho słoŭ, apošnim časam jon źbiraje lisički ŭsio mienš i zasiarodziŭsia na pošuku baravikoŭ. Samyja pryhožyja znachodki hrybnik, błohier i ajcišnik praktyčna štodnia publikuje na svajoj staroncy ŭ Instagram.
Taksama adznačyła źjaŭleńnie baravikoŭ i čyrvonahałovikaŭ, ale pakul «u abmiežavanych kolkaściach», i piśmieńnica Natalla Batrakova. Jana taksama aktyŭna viadzie błoh «HribKino» na YouTube i dzielicca svaimi znachodkami ŭ Instagram.
Minlashas zaklikaŭ biełarusaŭ najbližejšymi tydniami nie chadzić u hryby
Z pačatku hoda 36 čałaviek źnikli ŭ lasach padčas zboru hryboŭ i jahad. Milicejski čynoŭnik viedaje, chto vinavaty
«Jak dźmuchaŭcoŭ u poli». Biełarusy raskazali, jakija hryby stali źjaŭlacca paśla ŭstojlivaj śpioki i karotkich daždžoŭ
Navukoŭcy sprahnazavali, jaki sioleta budzie ŭradžaj hryboŭ i jahad
300 dalaraŭ za tur u hryby, 400 — kab trapić u zakryty čat amataraŭ hryboŭ: biełaruski hrybnik pradaje svaje viedy
Akazvajecca, źbirajučy hryby, možna narvacca na štraf. Čaho rabić nielha?
Kamientary
Jany - što vadkija, jak "čajny hryb"?