Tolki za apošni miesiac nad Biełaruśsiu pralatali 6 pasažyrskich samalotaŭ, jakija nie pavinny byli hetaha rabić
Telehram-kanał «MotolkoPomohi», kamientujučy situacyju ź niadaŭnim 20-chvilinnym pralotam nad Biełaruśsiu samalota avijakampanii AirBaltic, jaki lacieŭ z Ryhi ŭ Pryšcinu, adznačyŭ, što ničoha niečakanaha ŭ joj, nasupierak śćviardžeńniam litoŭskich ŚMI, niama.
Jak śćviardžaje telehram-kanał, niahledziačy na ŭviedzienyja ŭ 2021 hodzie zabarony nad pavietranaj prastoraj Biełarusi, zamiežnyja samaloty praciahnuli pieryjadyčna zalatać u Biełaruś.
Časam barty avijakampanij Turkish Airlines abo Air Montenegro metanakiravana lacieli praź Biełaruś, mahčyma, skaračajučy maršrut. Adnak u bolšaści vypadkaŭ zachody ŭ pavietranuju prastoru Biełarusi jeŭrapiejskich samalotaŭ byli (i buduć) z-za adnoj hałoŭnaj pryčyny — mieteaŭmovy (zaleva, navalnica, śnieh) na šlachu ruchu.
Na pryviedzienych kanałam malunkach pryviedzienyja 6 vypadkaŭ, jakija adbylisia tolki za apošni miesiac: jarka-zialonym koleram paznačanyja miežy zon apadkaŭ i maršrut samalotaŭ, jakija zalatali ŭ Biełaruś, kab banalna nie lacieć u navalnicu:
16 lipienia — užo zhadany rejs BTI2UE a/k AirBaltic (Ryha-Pryšcina);
![](http://d3kcf2pe5t7rrb.cloudfront.net/img/w732d4webp1/photos/z_2024_07/2024-07-18160633-lj38p.jpg.webp)
11 lipienia — THY1SR Turkish Airlines (Vilnia-Stambuł);
![](http://d3kcf2pe5t7rrb.cloudfront.net/img/w732d4webp1/photos/z_2024_07/2024-07-18160636-ziani.jpg.webp)
22 červienia — RYR77J Ryanair (Ryha-Krakaŭ);
![](http://d3kcf2pe5t7rrb.cloudfront.net/img/w732d4webp1/photos/z_2024_07/2024-07-18160640-zfggc.jpg.webp)
22 červienia — THY3RH Turkish Airlines (Stambuł-Vilnia);
![](http://d3kcf2pe5t7rrb.cloudfront.net/img/w732d4webp1/photos/z_2024_07/2024-07-18160642-r9lk2.jpg.webp)
22 červienia — SAS7847 SAS (Stakholm-Santaryni);
![](http://d3kcf2pe5t7rrb.cloudfront.net/img/w732d4webp1/photos/z_2024_07/2024-07-18160645-rc6xc.jpg.webp)
22 červienia — SAS7313 SAS (Budzio-Chańja).
Akramia taho, redakcyi taksama viadomyja supraćlehłyja vypadki, kali kiraŭnik pavietranym rucham u zonie aeraporta «Vilnia» stroha zabaraniaŭ bartam pierasiakać miažu ź Biełaruśsiu, niahledziačy na nadvorje. Da prykładu, jak u situacyi z rejsam RYR72PT avijakampanii Ryanair 25 maja. Vierahodna, što tady hetaja zabarona była abumoŭlenaja vielmi nizkaj vyšynioj palotu samalota, jaki rychtavaŭsia da pasadki.
Kamientary