U adnoj z haspadarak Pinskaha rajona stychija paškodziła kala 40% pasievaŭ
Mocny viecier 14 lipienia paškodziŭ kala 40% zbožžavych kultur AAT «Łapacina» ŭ Pinskim rajonie na płoščy ŭ 1,2 tysiačy ha, paviedamiła kiraŭnictva sielhaspradpryjemstva.
![](http://d3kcf2pe5t7rrb.cloudfront.net/img/w840d4webp1/photos/z_2024_07/2024-07-15175735-39imj.jpg.webp)
«Acenki pakul papiarednija, tolki abjazdžajem pali. Paškodžanaja kukuruza praktyčna na 500 ha, zbožžavyja — dzieści na 700 ha. Kałasy całkam lažać na ziamli, ziernie vybita», — raskazaŭ dyrektar «Łapacina» Siarhiej Krylčuk.
U asnoŭnym paciarpieli pali z azimymi žytam i trycikale, kala 100 ha jaravych.
Urahan u hetaj miascovaści praciahvaŭsia ŭsiaho kala 5-7 chvilin. U vyniku byli paškodžanyja damy, pabudovy, sielskahaspadarčyja budynki i inšyja zbudavańni. Byli sarvanyja dachi, pavalenyja drevy, płaty, apory linii elektrapieradač.
U ahraharadku pad Pinskam bura paškodziła 60 damoŭ FOTY
Jašče adna achviara ŭrahanu: u Śvietłahorsku dreva zabiła 90-hadovaha mužčynu
«Paśpieli raźvitacca z žyćciom». Vidavočcy raskazali pra śmiarotny ŭrahan na Vilejskim vadaschoviščy
U Homielskaj vobłaści abjaŭlena nadzvyčajnaja situacyja
Biez elektryčnaści zastajecca 851 nasieleny punkt Homielskaj vobłaści. U Mazyry niama śviatła, vady, nie pracujuć pradpryjemstvy
Kamientary