Vyniesieny prysud chirurhu z Babrujska, z-za pamyłki jakoha pamierła žančyna
Sud Kiraŭskaha rajona vynies prysud 35-hadovamu chirurhu z Babrujska. Jon pryznany vinavatym u nienaležnym vykanańni prafiesijnych abaviazkaŭ, jaki paciahnuŭ pryčynieńnie pacyjentu pa nieaściarožnaści ciažkaha cialesnaha paškodžańnia.
U sudovym pasiadžeńni ŭstanoŭlena, što abvinavačany 11 lipienia 2022 hoda ŭ chodzie apieratyŭnaha ŭmiašańnia pa vydaleńni žoŭcievaha puzyra paškodziŭ pacyjentcy žoŭcievyja pratoki.
Dla pieraduchileńnia raźvićcia pahroźlivych žyćciu pacyjentki nastupstvaŭ joj spatrebilisia jašče dźvie apieracyi.
Niahledziačy na pryniatyja miery, u pacyjentki 1966 hoda naradžeńnia, abvastryłasia chraničnaja išemičnaja chvaroba serca, jakaja praciakała na fonie arteryjalnaj hipiertenzii. Ad jaje jana 1 žniŭnia 2022 h. pamierła ŭ balnicy.
U sudovym pasiedžańni abvinavačany doktar svaju vinu pryznaŭ całkam.
Sud pryznačyŭ jamu pakarańnie ŭ vyhladzie chatniaj chimii na 1 hod sa štrafam u pamiery 100 bazavych vieličyń (4 tys. rubloŭ).
Pryhavor nie ŭstupiŭ u zakonnuju siłu.
Kamientary