«Vy chto? Pacany ci baby»? Žadańnie atrymać adkaz na heta pytańnie pryviało kiroŭcu z Rečycy na łavu padsudnych
38-hadovy žychar Rečycy, jaki pracuje kiroŭcam u adnoj z arhanizacyj horada, u toj dzień byŭ na dni naradžeńnia ŭ svajaka i vypivaŭ kańjak. Niedzie kala 10-j hadziny viečara jon adpraviŭsia dadomu i pa darozie sustreŭ nieznajomych jamu mužčynu i jaho syna, prosta prajści mima jakich nie zdoleŭ, paviedamlaje pres-słužba UUS Homielskaj vobłaści.
Pavodle słoŭ paciarpiełych, nieviadomy padskočyŭ da ich, kali jany išli ŭ kramu, i spytaŭsia: «Vy chto? Pacany ci baby?» Paśla hetaha jon niekalki razoŭ udaryŭ kułakom u hrudzi adnaho ź ich, a druhoha šturchnuŭ tak, što toj upaŭ.
Sam mužčyna padziei taho sakavickaha viečara pamiataŭ častkova. Z-za čaho napaŭ na ludziej, adkazać jon nie zmoh, i ŭvohule pra svaje dziejańni ŭ toj viečar zbolšaha daviedaŭsia tolki paśla prahladu videazapisu z kamiery videanazirańnia.
U vyniku jon byŭ pryznany vinavatym u złosnym chulihanstvie. Jamu było pryznačana pakarańnie ŭ vyhladzie abmiežavańnia voli na termin 1 hod 6 miesiacaŭ biez nakiravańnia ŭ papraŭčuju ŭstanovu adkrytaha typu.
U Barysavie mužčyna stralaŭ z akna ź pnieŭmatyki i paraniŭ 3-hadovuju dziaŭčynku
Minčuk pabiŭ barmienaŭ u kafe za toje, što jany nie chacieli ŭklučać pieśni dla jahonaj žonki
Minčuk abraŭ dziŭny sposab znajomstva ź dziaŭčatami — i atrymaŭ kryminalnuju spravu
Minčuk raźbiŭ škło na prypynku. Ciapier jon pavinien vypłacić vielizarnuju sumu
Kamientary