Spałučeńnie ahurka z kivi, ananasam abo sokam łajma — ledziany prysmak, poŭny smaku i pažyŭnych rečyvaŭ. A taksama dobry sposab achaładzicca ŭ haračy dzień.
Fota: zestysouthindiankitchen.com
Jak hatavać maroziva z ahurkom i kivi
Kab pryhatavać maroziva z ahurkom i kivi, spatrebicca:
- 1 ahurok, ababrany i narezany łustačkami
- 4 kivi, ababranyja i tonka narezanyja
- 1 šklanka vady
- sok z dvuch łajmaŭ
- 1/4 šklanki cukru (abo miodu, ahavy)
- formy i pałački dla eskimo
Jak hatavać:
- Dadajcie ŭ blendar ahurok, pałovu łustačak kivi, vadu, sok łajma i cukar. Źmiašajcie da adnastajnaj masy.
- Raskładzicie łustački kivi, jakija zastalisia, pa formačkach, a zatym vylicie ŭ ich sumieś kivi i ahurkoŭ.
- Ustaŭcie pałački dla marožanaha. Zamaroźcie jak minimum na 6 hadzin (abo na noč). Pierad padačaj apuścick formački ŭ ciopłuju vadu na 10 siekund, zatym aściarožna dastańcie maroziva z formačak.
Jak hatavać maroziva z ahurkom i ananasam
Kab zrabić maroziva z ahurkom i ananasam, spatrebicca:
- kakosavaje małako — 1 blašanka
- ahurok — 4 štuki
- śviežy ananas, narezany kubikami — 1 šklanka
- miod — 2 stałovyja łyžki
- bieły šakaład — 1 plitka
- formy i pałački dla eskimo
Jak hatavać:
- Pakładzicie kakosavaje małako ŭ chaładzilnik na noč, kab viarški adździalilisia ad vady. Adkryvajem banku aściarožna, nie mocna jaje strasajučy. Viarški akuratna źbirajem łyžkaj, kakosavuju vadu pakidajem.
- Abirajem ahurki, narazajem drobnymi kubikami i kładziom u misku. Dadajom kavałački ananasu i miod, staranna źmiešvajem u blendary. Vylivajem masu ŭ formy (pakińcie trochi miescy dla kakosavaha płasta) i źmiaščajem ich prykładna na hadzinu ŭ marazilnuju kamieru.
- Rastapicie šakaład u kastruli na vielmi słabym ahni, stała pamiešvajučy (starajciesia nie nahravać jaho zanadta mocna). Zdymajem ź plity i trochi astudžajem. Dadajom kakosavyja viarški i staranna źmiešvajem.
- Dastajom z maraziłki ahurkovaje maroziva, źvierchu akuratna vykładvajem kakosavuju masu. Zamarožvajem jašče na hadzinu, kab jano stała ćviordym. Pa zakančeńni hetaha času ŭstaŭlajem pałački ŭ maroziva i źmiaščajem formy ŭ marazilnuju kamieru na 3-4 hadziny.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary
ni ahurok i ništo?
što kali ŭ mianie źjaviłasia novaja syp na ruce niabačnaja mnoj dasiul? i zaraza češacca
hetym letam niešta asablivaje... u syna-astmatyka-alerhika nie pierastaje reakcyja bolš za miesiac. raniej takoha nie było.
bolš za toje. u mianie niejkija dziŭnyja vysypańni na skury