Dźmitryj Hardon atrymaŭ 14 hadoŭ kałonii ad rasijskaha suda — u tym liku za zvarot da biełarusaŭ
Žurnalistu taksama zabaranili administravać sajty.
Viadomy ŭkrainski žurnalist Dźmitryj Hardon atrymaŭ 14 hadoŭ kałonii zavočna. Takoje rašeńnie pryniaŭ 2-hi Zachodni akruhovy vajskovy sud u Rasii.
Hardona sudzili za «zakliki da teraryzmu i raspaŭsiud iłžyvaj infarmacyi ab Uzbrojenych Siłach RF», piša TASS.
Prysud ustupić u siłu albo paśla zatrymańnia žurnalista na terytoryi Rasii, albo paśla jaho ekstradycyi. Pieršyja try hady jon pavinien budzie pravieści ŭ turmie, astatnija 11 — u kałonii ahulnaha režymu. Taksama Hardonu zabaranili administravać sajty terminam na try hady.
Sprava była zasnavanaja na niekalkich rolikach Dźmitryja Hardona — «Hardon źviarnuŭsia da rasijan i biełarusaŭ», «Palavańnie na Pucina» i intervju z błohieram Vieranikaj Biełacarkoŭskaj. U adnym ź videa žurnalist zaklikaŭ prezidenta ZŠA Džo Bajdena nanieści jadzierny ŭdar pa Rasii.
Akramia taho, u abvinavaŭčym zaklučeńni havorycca, što Hardon zaklikaŭ zabić Uładzimira Pucina i Alaksandra Łukašenku.
Jak skłaŭsia los chłopca ź viadomaha žyćcieśćviardžalnaha fota studenckaha maršu-2020?3
Kamientary
No Putina vied́ nie sudili zaočno :) I srok nie prisuždali. Tolko ordier vypisali. Tak čto do Raša-kłounady v Haahie nie dorośli.