Rasijski vajskoviec płanavaŭ uzarvać budaŭničuju kramu ŭ Paryžy. Ale padarvaŭsia na ŭłasnaj vybuchoŭcy
Mužčynu z rasijskim i ŭkrainskim hramadzianstvam zatrymali ŭ francuzskim špitali.
Rasijanin Maksim, zatrymany francuzskimi pravaachoŭnikami, rychtavaŭsia padarvać budaŭničuju kramu Bricorama ŭ Paryžy.
Mužčyna z bajavym vopytam płanavaŭ pastavić samarobnaje vybuchovaje prystasavańnie ranicaj, jašče da adkryćcia kramy. Śledstva ličyć, što takim čynam dyviersant chacieŭ paźbiehnuć čałaviečych achviar, pišuć «Važnyje istorii» sa spasyłkaj na Le Monde.
Pravaachoŭniki vyvučyli pierapiski mužčyny ŭ miesiendžarach i pryjšli da vysnovy, što apieracyja płanavałasia z-za miažy. U palicyi ličać, što vybuch pavinien byŭ stać častkaj rasijskaj kampanii pa destabilizacyi situacyi ŭ Jeŭropie.
26-hadovaha mužčynu zatrymali ŭ špitali. Jon trapiŭ tudy paśla taho, jak padarvaŭsia na ŭłasnym samarobnym vybuchovym prystasavańni ŭ numary hatela niepadalok ad aeraporta Šarla de Hola. Maksim atrymaŭ ranieńni vierchniaj častki cieła, tvaru i hałavy.
Aŭtary artykuła śćviardžajuć, što mužčyna — vychadziec z Danbasa, u jaho jość rasijskaje i ŭkrainskaje hramadzianstva. Apošnija dva hady jon vajavaŭ suprać Ukrainy ŭ składzie rasijskaj armii.
Pieršapačatkova Maksim admaŭlaŭ, što płanavaŭ terakt. Adnak u jahonym numary znajšli padroblenyja dakumienty, materyjały dla vyrabu vybuchovych pryład, mabilnyja telefony i ślady amijačnaj saletry. Mužčyna prybyŭ u Francyju niezadoŭha da zatrymańnia, usie materyjały nabyŭ na miescy.
Jeŭrapiejskaja presa raniej sa spasyłkaj na śpiecsłužby paviedamlała, što rasijskaja raźviedka rychtuje sieryju dyviersij pa ŭsioj Jeŭropie.
Ci možna ŭ Biełarusi zabicca, zvaliŭšysia ŭ padziemny pierachod?1
Kamientary