Jak žyła žančyna pad Čavusami, jakuju 20 hadoŭ ličyli pamierłaj?
Niadaŭna pad Čavusami znajšli žančynu, jakuju sud 20 hadoŭ pryznaŭ pamierłaj. Tak vyjšła, što jana zastałasia z pašpartam SSSR i nie atrymała biełaruski.
Detali raskazali ŭ efiry ANT.
Halina naradziłasia ŭ horadzie Biaroza (Bresckaja vobłaść). U 90-ch jana dvojčy traplała ŭ kałoniju — za zabojstva, a paśla za kradziež. Staryja savieckija dakumienty paśla vyzvaleńnia jana nie pamianiała.
Sa svajakoŭ u Haliny byli małodšaja siastra i syn (ale Halinu pazbavili baćkoŭskich pravoŭ). Žyli jany ŭ Biarozie. Siastra admoviłasia puskać Halinu ŭ kvateru. Paśla hetaha jany nie kamunikavali.
Žančyna žyła ŭ roznych miescach, pakul nie pasialiłasia ŭ vioscy Pućki Čavuskaha rajona ŭ svajoj siabroŭki Alesi.
U 2004 hodzie sud Biarozaŭskaha rajona abviaściŭ žančynu pamierłaj i miascovy ZAHS vydaŭ paśviedčańnie ab jaje śmierci.
Niekalki miesiacaŭ tamu kamisijaj pa pažarnaj biaśpiecy praviała pravierku ŭ Alesi — tam i adšukałasia Halina.
Sud užo admianiŭ rašeńnie, jakoje pryznała žančynu pamierłaj. Halina moža atrymać pašpart i aficyjna pracaŭładkavacca.
Sama žančyna ličyć, što heta małodšaja siastra prydumała pryznać jaje pamierłaj, kab samoj atrymać spadčynu ad baćkoŭ, jakich užo niama. Halina choča viarnuć svaju dolu spadčyny i palepšyć adnosiny z synam.
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj1616
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj16
«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła1616
Kamientary