Pad Čavusami znajšli žančynu, jakuju 20 hadoŭ tamu sud… abviaściŭ pamierłaj
Jana ŭvieś hety čas žyła z pašpartam SSSR
Milicyja znajšła ŭ Čavuskim rajonie žančynu, jakaja 20 hadoŭ ličyłasia pamierłaj pavodle rašeńnia suda, paviedamlaje pres-słužba prakuratury.
U lutym 2024 hoda supracoŭniki milicyi ŭ Čavuskim rajonie znajšli žančynu, jakaja paćvierdziła asobu pašpartam hramadzianina SSSR. Biełaruska naradziłasia ŭ horadzie Biaroza Bresckaj vobłaści, tam ža mieła rehistracyju.
Na pačatku i ŭ siaredzinie 1990-ch hadoŭ dvojčy adbyvała pakarańnie ŭ papraŭčaj kałonii, dzie pašpart hramadzianina Respubliki Biełaruś nie atrymlivała. Z 1998 hoda zarehistravanaj ni pa miescy žycharstva, ni pa miescy znachodžańnia ŭžo nie značyłasia.
U 2004 hodzie sud abjaviŭ žančynu pamierłaj. Ale pa zajavie prakurora hetaje rašeńnie było admieniena. Zaraz biełaruska moža atrymać novy pašpart i aficyjna pracaŭładkavacca. Padrabiaznaści ab tym, jak i čym žyła žančyna hetyja 20 hadoŭ, nie paviedamlajucca.
Viadoma tolki, što jana pražyvaje ŭ vioscy Pućki.
Kamientary
A tut dvaccać hadoŭ. Niaŭžo dziaržaŭnyja mužy pamylilisia ci (niemahčyma) z pryčyny biudžetnaha finansavańnia byvajuć pieraduziatyja?
Ale ž čytajma ŭvažliva! Kabiena ad novaha kałhasakiraŭnictva, padroblenaha, nia mieła paśviedčańnia pryhonnaj. Ale daviedku padparadkavanaj sa staroha, ŭzbujnienaha, kałhasu mieła i ź jaje dapamohaj i padtrymlivała 20 hadoŭ žyćcio. Pakul dachodny civun nia spraŭdziŭ dakumenty i nie nadzialiŭ novymi, z "mahčymaściu aficyjna pracavać
Tamu tre vieryć ekspertam i vučonym, a nia sumniavacca, jak mianie zmaniŭ niačyścik