U Homieli biaspraŭnik źbiŭ dzicia ŭ dvary, kali mały pabieh hladzieć na kacianiat
Mužčyna raniej byŭ pazbaŭleny pravoŭ za kiravańnie ŭ niećviarozym stanie.
Skrynšot: Śledčy kamitet
Zdareńnie adbyłosia ŭ sakaviku ŭ dvary pa vulicy Dvornikava ŭ Homieli. Volkswagen pad kiravańniem 40-hadovaha mužčyny najechaŭ na maleńkaje dzicia.
Jak vyśvietliła śledstva, chłopčyk nieprykmietna vyjšaŭ z mašyny, pakul baćki adšpilvali dziciačaje kresła jaho siastry i źbirali pakiety z pakupkami.
Mały ŭ akno ŭbačyŭ kacianiat i pabieh pahladzieć na ich bližej. U hety čas u dvary parkavaŭsia Volkswagen. Kiroŭca zdavaŭ nazad i najechaŭ na dzicia.
Chłopčyk sa šmatlikimi traŭmami byŭ špitalizavany, jaho čakaje doŭhaja i ciažkaja reabilitacyja.
Śledčyja ŭstanavili, što 40-hadovy kiroŭca ŭ 2023 hodzie byŭ pazbaŭleny pravoŭ na try hady za pjanaje kiravańnie.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?1
Kamientary